Бүген мәктәбебездә ел саен уздырыла торган  районкүләм чаңгы ярышы булды. Мәктәп командасы 9еллыклар арасында 1урынга лаек булды. Укучыларыбыз Филатов Айзат, Әүхәдиев Марсель, Рәкипова Әдилә, Хөснетдинова Зөһрәне , тренерлары Зиннатов  Ф.Ю ны зур җиңүләре белән котлыйбыз.

"Әфган-йөрәк ярасы" дип исемләнгән районкүләм чара узды бүген мәктәбебездә.

Мәктәбебезнең 7-9 нчы сыйныф укучылары  авыл китапханәсе тарафыннан оештырылган әфганчылар белән очрашу кичәсендә булдылар.

1нче сыйныф укучылары  яраткан китаплары -Әлифба белән хушлаштылар. Сыйныф җитәкчеләре Зәлия Хәмитовна белән берлектә укучылар бик эчтәлекле чыгыш әзерләгән иделәр. Бәйрәмгә балаларның әти-әниләре дә килде.

Мәктәбебезнең татар теле һәм әдәбияты укытучысы Фазлиева Рәмзия Габделбәр кызы 7нче сыйныф укучылары белән   татар теленнән "Урын хәле" темасына ачык дәрес уздырды. Дәрес бик эшлекле формада узды.

Башлангыч сыйныф укытучысы Галлямова Альмира  Альбертовна 2нче сыйныф укучылары белән  татар теленнән ачык дәрес күрсәтте. Дәрестә күп төрле эш алымнары кулланып, укытучы укучыларның туган тел буенча белемнәрен ныгытты.

Бүген  "Ел укытучысы 2019" конкурсының район турында мәктәбебезнең башлангыч сыйныфлар укытучысы Муллагалиева З.Г. уңышлы чыгыш ясап, лауреат исеменә лаек булды. Укытучыбызны кайнар котлыйбыз.

Рус теле, татар теле, рус әдәбияты буенча республика олимпиадаларының  район турында укучыларыбыз 10 призлы урын яуладылар. Рус теленнән  Фазлиева З, Гайнетдинова А-призер (укытучылары Ахмадиева Ф.М.),  татар теленнән  Зиганшина И, Фазлиева З-җиңүче, Шакирова И-призер(укытучылары Фазлиева Р.Г),  Галиева Л-җиңүче, Якупова Д, Гайнетдинова А-призер(укытучылары Сәләхетдинова Х.Х.), рус әдәбиятыннан Галиева Л, Гайнетдинова  А.-җиңүче (укытучылары Ахмадиева Ф.М).

Укучылар, укытучылар, әти-әниләр тырышлыгы белән мәктәп алды бәйрәм төсен алды.