Бүген  укучылар өчен  "Знатоки  среди нас" дип исемләнгән  рус теле көне  уздырылды. Башлангыч сыйныф укытучысы  Муллагалиева З.Г. "Үз уеныбыз" дигән интеллектуаль бәйге үткәрде. 

Халыкара хатын-кызлар  көне уңаеннан мәктәбебездә  "Ягез әле, кызлар" бәйгесе узды.Ярышта  укучылар белән берлектә укытучылар командасы да көч сынашты.  

Куркынычсызлык көне "Знатоки дорожного движения" викторинасы белән башланып китте. Аннан соң укучылар башлангыч сыйныф укытучысы Хөснетдинова Г.К уздырган "Тылсымлы патшалыкка сәяхәт" КВНында көч сынаштылар.

Сәнгать көне уңаеннан бүген башлангыч  сыйныф укытучылары  әниләр өчен бәйге уздырдылар. Бәйгедә башлангыч сыйныф һәм 5-9 сыйныф әниләреннән торган ике команда көч сынашты. Укучылар әниләре өчен яңа җырлар, биюләр башкарып, бәйрәмне тагын да ямьләндерделәр.

Башлангыч сыйныфлар атналыгы кысаларында бүген Математика көне узды. Шул уңайдан укучылар математик ребуслар чиштеләр, башлангыч сыйныф укытучысы Хасанова З.Х. үткәргән "Саннар илендә кунакта" дип исемләнгән интеллектуаль бәйгедә көч сынаштылар.

Мәктәбебезнең "Яшь янгын сүндерүчеләр дружинасы" Әтнә янгын сүндерү бүлекчәсендә экскурсиядә булып, аларның эшчәнлеге белән  якыннан танышып кайтты.

Мәктәбебезнең 6-9 сыйныф егетләре арасында "Ягез әле, егетләр!" бәйгесе бик күңелле узды. 9нчы сыйныфның "ОГЭшники" командасы җиңүгә иреште. Бәйгене оештыручы Зиннәтов Ф.Ю һәм Нуриева Н.Г га һәм барлык катнашкан укучыларыбызга рәхмәтебезне  белдерәбез. 

Мәктәбебезнең 7-8 нче сыйныф укучылары Әтнә районы полиция бүлекчәсендә очрашуда булдылар. Әлеге чара укучыларыбыз өчен бик файдалы һәм мавыктыргыч булды. 

Созвездие-Йолдызлык конкурсында Нуриева Н.Г. җитәкчелегендәге "Улыбка" бию төркеме һәм 4нче сыйныф укучысы  Сәләхетдинов Раяз  ике турда да уңышлы чыгыш ясап, гала-концертка уздылар. Укучыларыбызга  зур уңышлар телибез.

Спартакиада кысаларында район мәктәпләре арасында уздырылган волейбол ярышында мәктәбебезнең кызлар командасы 1урынга лаек булды. Укучыларыбызны һәм тренерлары Мөхәмммәтшин И.Ф. зур җиңүләре белән  котлыйбыз.