Мәктәбебездә  Белем бәйрәме зурлап уздырылды. Бәйрәмебезнең иң зур кунагы - Ботендөнья татар конгрессы башкарма комитеты җитәкчесе, Татарстан Республикасы Дәүләт советы депутаты Закиров Ринат Зиннур улы иде. Ул үзенең чыгышында авыл мәктәпләренең үсеш  юлында укыту белән бергә тәрбиянең дә әһәмиятле икәнен ассызыклады. Укучыларга һәм укытучыларга Татарстан  Республикасы президенты  Р.Н.Миңнехановның котлау сүзләрен җиткерде. 1нче сыйныф укучыларын бәйрәм белән котларга районыбыз кунагы - спорт мәктәбе директоры,  “Ашыт”спорт комплексы һәм “Дулкын” бассейны җитәкчесе Мөхәммәтшин И.Ф килде. Шулай ук “Мәңгәр” җитештерүче авыл хуҗалыгы кооперативы рәисе Мостафин Т.Г, авыл җирлеге башлыгы Тәхәвиев Ф.К., авылыбыз имамы Әхмәдиев Ә.Н.,  мәктәп бусагасын беренче тапкыр атлап кергән нәниләрне бәйрәм белән  котлап, истәлек бүләкләр тапшырдылар.