ФЭМП эшчәнлеге барышында балалар флепчартта таныш геометрик фигуралар, аларның элементлары( почмаклары, яклары, түбәсе, очы) һәм кайбер үзенчәлекләре турындагы күзаллауларын ныгыту,модельләштерергә өйрәтү, предметларның формасын һәм аерым өлешләрен чагыштырырга өйрәтү өчен менә дигән чара. Балалар флепчартта бик теләп һәм яратып эшлиләр.

Китапны бөкләмә,

Битләрен дә ертма син.

Керле кулың белән аны

Беркайчан да тотма син.

Балалар белән якташыбыз Гомәр Бәширов музейында булдык. Фәридә Альбертовна балаларга язучы турында кызыклы әйберләр сөйләде.

Балалар белән бергә ракушкалардан ташбакалар ясадык.Ташбакаларыбыз бик матур килеп чыкты. 

Балкып тора түбәтәй һәм калфаклар

Энҗе бөртекләр белән.

Алар монда килгән гүя

Чын әкият иленнән.

Туган көн күңелле бәйрәм. "Ак калач" уены уйнаганнан соң, Исламныңа тәртипле, акыллы бала булып үсүен теләп колагын тарттык.

Юл билгеләрен истә калдырганда " Юл билгеләре" лото уенын балалар бик теләп уйныйлар. Уен балаларга уңай нәтиҗә бирә,билгеләрне тизерәк хәтерләрендә калдыралар.

Балалар белән элек- электән яратып уйналына торган " Кәрия-Зәкәрия" уены әле дә балаларның яраткан уеннарының берсе булып тора. Уен барышында балалр бергә уйнарга, бер-берсенә юлкуярга, хөрмәт итәргә өйрәнәләр.

Балалар белән " Танып белү-сөйләм үстерү" эшчәнлеге барышында "Кошлар килгән җимлеккә" рәсемен карауны оештырдык. Рәсем караганда балаларда, рәсемнең эчтәлеге буенча бирелгән сорауларга дөрес, ашыкмыйча, башкалар аңларлык итеп җавап бирү күнекмәләрен үстерү, рәсемгә карап хикәя төзеп сөйләргә өйрәнүне камилләштерүне дәвам иттек. Балаларда кошларга сакчыл караш тәрбияләү, ярдәм итәргә теләк тудыру өстендә эшләдек.