Балалар белән йорт кошлары турындагы белемнәрен ныгытып үтү.Кошларның үзенчәлекләре һәм файдалары турында сөйләшү.

Хөрмәтле әтиләр ! Сезне барыгызны да бәйрәм белән котлыйбыз.Һәрвакыт шат, сәламәт, бәхетле булыгыз!

Без барыбыз да

Әтиләрне котлыйбыз.

Шатлык, бәхет, сәламәтлек

Һәммәгезгә телибез. 

Тиздән бөек шагыйребез Габдулла Тукайның 130 еллык юбилеен каршы алачакбыз.Балаларга аның " Шүрәле" әкияте аеруча ошый һәм без бергәләшеп дустыбыз шүрәлене ясадык.

Мәктәптә безне укытучы апалар һәм укучылар якты йөз белән каршы алдылар.

Муса Җәлил... Бу исем һәркемгә яхшы таныш.Шагыйрь,сугышчы, көрәшче.Бөек Ватан сугышы каһарманы. Балаларны Җәлил иҗаты белән таныштырып, аның шигырьләрен  укыдык. Балаларга "Кызыма" бишек җыры,"Күке", "Шакир белән Гали" һәм"Пескәй " шигырьләре күңелләренә хуш килде.

Эшчәнлек барышында гәүдәне туры, төз тотарга гадәтләндерү. Төп хәрәкәтләр башкару осталыгын камилләштерү: хәрәкәтләрне җиңел,  төгәл. дөрес итеп башкарырга күнектерүне дәвам итү.

Матур әдәбият белән кызыксынуларын арттыру юнәлешендә эшләүне дәвам итү. Ошаткан китапның башка бүлекләре белән танышасы килү теләген хуплау, китапның рәсемнәрен карау, бизәлешенә игътибар итү. Балаларда китапка сак караш тәрбияләүне дәвам итү.

Лимон бик әче булса да,без аның витаминнар патшасы икәнен беләбез, һәм һәр иртәдә аны кулланабыз.

Элек -электән килгән "Кәрия-Зәкәрия" уенын балалар бик теләп уйныйлар. Уен барышында балалар бер-берсен хөрмәт итәргә, юл куярга,дуслык-татулык тәрбияләргә ярдәм итә.Иҗади мавыгу булдырырга ярдәм итә.