"Туган телләр һәм халыклар бердәмлеге елы" уңаеннан төзеләчәк  " Милли бизәкләр"         кургәзмәсенә  укучыларыбыз  салкын батик ысулы белән  халкыбызның милли җәуһәрләрен  тукымага  төшерәләр.

27 гыйнвар бөтен ил өчен истәлекле дата - Ленинград шәһәренең камалыштан чыгу көне.  Барлык  классларда  да ”Сугыш. Блокада. Ленинград” исемле  батырлык дәресләре үтте.  2-8 сыйныф укучылары  белән  “Блокада Ленинграда глазами детей” исемле документаль фильм карау оештырылды.Укучыларга  1941-1944 нче елның кышына кадәр  камалышта калган  Ленинградта  төшерелгән документаль  вакыйгалар анда булган чынбарлыкны күзалларга мөмкинлек бирде.Үз яшьләрендә булган балаларның  камалышта калган шәһәрдә ачлык, салкын, үлем белән көрәшү, беренче көннән ук өлкәннәргә ярдәм итү, станоклар артына басып эшләүләре  бер генә укучыны да битараф калдырмады.Аларның исемнәре үлемсез, батырлыкларын оныту мөмкин түгел.    Мондый чаралар ватандашларыбызның һәлакәтен һәм батырлыгын, фаҗигасын һәм каһарманлыгын ачык тасвирлый.

"Туган телләр һәм халыклар бердәмлеге елы" на багышланган кургәзмәдә туган телебез, әдәбият тарихы, тел турында кызыклы хезмәтләр тупланган китаплар, татар  телендә чыгучы газета, журналлар белән танышырга мөмкин.

БМО  Генераль   Ассамблеясы 2018 елның 3 нче декабрендәге   резолюциясе белән 24 нче январьны  Мәгариф көне дип игълан итте, аның тынычлык һәм үсештәге ролен таныды. Әлеге бәйрәм уңаеннан  мәктәбебездә күп чаралар, тәрбия сәгатьләре үткәрелде.

          Укучыларыбыз Г,Тукайның 135 еллыгына багышланган "Тукай геройлары минем янәшәмдә"     исемле проектта актив катнаша.

Бу ел Туган телләр һәм халыклар бердәмлеге елы булачак. Бу хакта Татарстан Президенты Рөстәм Миңнеханов республиканың эчке һәм тышкы хәле турында Дәүләт Советына еллык Юлламасында хәбәр итте.  «Без милли телләр һәм мәдәниятләр үсеше өчен шартлар тудырырга тиеш. Рус, чуваш, удмурт, мордва, марилар һәм башкалар. Бу мәсьәләгә зур игътибар биреп, киләсе елны Туган телләр һәм халыклар бердәмлеге елы дип игълан итәргә тәкъдим итәм», — диде Президент.  «Телебез — рухи яктан берләштерүче зур көч. Татар телен саклау һәм үстерү буенча комиссиягә дә зур өметләр баглыйбыз. Бу эштә барлык хакимият органнары һәм иҗтимагый оешмалар катнашырга тиеш. Туган тел — үз халкың белән нечкә элемтә. Без аны саклап калу өчен барысын эшләячәкбез. Бу алдагы буын алдында әхлакый бурыч», — диде Президент.