"Минем кадерле әнием"дигән рәсем конкурсында җиңгән укучыларны котлыйбыз.

14 январь көнне мәктәбебездә педсовет үтте. Аның эшендә район мәгариф бүлеге вәкиле М.Н. Шакирова катнашты.

Укучыларыбызның  каникуллары күңелле һәм файдалы үтә.

Район күләмендә үткәрелгән чаңгы   ярышында  (эстафета)  безнең  команда 4 нче  урын яулады. 

Арча шәһәренең  1 нче номерлы  мәктәбендә  район  күләмендә профсоюз  ярышларында  безнең  укытучыларыбыз  да  уңышлы  чыгыш  ясадылар. Шашка буенча  физика укытучысы  Г. Г. Хидиятуллина - 3 урын,  шахматта  татар теле укытучысы  А. Ф. Зыятов - 3  урын алдылар, ә  инглиз теле  укытучысы  А. Ф. Бадриева    теннис  буенча  мәктәп  данын яклады.

Район күләмендә үткәрелгән йөзү турнирында 5 нче класс укучысы  Мөхәммәтшин Айнур катнашты.

Укучыларыбызның кышкы каникуллары күңелле үтә. 5 нче январь көнне мәктәптә укучылыр, укытучылар, барлык филиал  укучылары  катнашында "Әкиятләр илендә" дип исемләнгән Яңа ел  тамашасы булды. Хоттабыч катнашында үткән бу бәйрәм  һәрберебезнең күңеленә һуш  килде.

 6  нчы январьда авыл китапханәчесе   А. Г. Камалова  укучылар белән "Китап сөючеләр  клубы"ның  чираттагы  утырышын үткәрде. Укучылар  яңа  китаплар белән таныштылар, викторина сорауларына җавап бирделәр.

Кышкы каникулның 5 нче январь көнендә Өчиле төп гомуми белем мәктәбе  барлык куст  башлангыч класс укучыларын    "Әкиятләр илендә" дип аталган Яңа ел тамашасына  чакырды. Бәйрәм бик күңелле  үтте. Укучылар рәхәтләнеп уйнадылар,биеделәр, җырладылар. Бәйрәмне оештыручыларга чиксез зур рәхмәтебезне белдерәбез. Хөрмәт белән, Иске-Йорт башлангыч мәктәбе укучылары исеменнән  укытучылары Ф.В. Шәяхмәтова.

Канатлы дусларыбызны онытмыйк!