Күкчә-Бирәзә башлангыч мәктәбе укучылары китапханәгә бардылар.Китапханәче Гөлсинә апалары балаларны Г.Тукай иҗаты белән таныштырды.Укучылар викторина сорауларына җавап бирделәр,Г.Тукайның җырларын һәм шигырьләрен башкардылар.

Бүген 4 класс укучылары әйләнә-тирә дөнья фәненнән белемнәрен бәяләү буенча мониторинг эшләделәр. Аларга уңышлар теләп калабыз.

25 апрельдә Лесхоз урта гомуми белем мәктәбендә Татарстан Республикасында Парклар һәм скверлар елына багышлап, фәнни экологик конференция үткәрелде. Мәктәбебезнең 9 класс укучысы Нургалиев Айнур «Табигый сулыкларны саклыйк»  дигән темага  чыгыш ясады. Диплом һәм сертификат белән бүләкләнде.

Чиканас башлангыч мәктәбенең “Күңелле сәхнә”түгәрәгенә йөрүче укучылар Габдулла Тукайның тууына 129 ел булу уңаеннан “Тукай шигырьләре безнең күңелләрдә” исемле викторина уздырдылыр.Укучылар Тукай иҗатын өйрәнделәр,шигырьләрен яттан сөйләделәр,әкиятләрен сәхнәләштерделәр.

Бөек шагыйребез Г.Тукайның тууына 129 ел уңаеннан Югары Бирәзә башлангыч мәктәбе укучылары китапханәче Филсинә апалары белән берлектә"Тукай безнең күңелләрдә"дигән кичә үткәрде.Укучылар викторина сорауларына җавап бирделәр,Г.Тукай шигырьләрен сөйләделәр.

Укучыларда Г.Тукай иҗатына  мәхәббәт уяту максатыннан шагыйрьнең әсәрләре буенча “Тукай дөньясы» исемле  кул эшләре күргәзмәсе оештырылды. Укучыларыбыз  Г. Тукай әсәрләренә ясалган рәсемнәрен, кул эшләрен   тәкъдим иттеләр.

Тирә-ягыбызның чисталыгы безне аеруча борчый. Бүген   мәктәбебезнең тирә-ягын  чүп-чардан арындырдык. Урамнарда гөрләп хезмәт терапиясе дәвам итте, ә без җиң сызганып  эшләгән урында  яңа гына  баш калкытып   килүче  яшел чирәм күренә.

Дус яшәргә кирәк җир йөзендә,
Дуслар кирәк һәрбер кешегә
Дуслык булса, яшәү дә күңелле,
Уңай була һәрбер эшең дә.
Югары Бирәзә башлангыч мәктәбендә "Дуслык көне" узды.Кыен чакта безгә ярдәмгә әти-әниләр,дуслар килә.Авырлыкларны бары тик бер-берең белән дус-тату,бердәм булганда гына җиңеп чыгып була.Укучылар дуслык турында мәкальләр әйттеләр,дуслык агачын бизәделәр.

Поздравляем!

   Бөек Ватан сугышына  бу җирлектән  461 кеше үзенең изге гражданлык бурычын үтәргә − туган илебезне фашистлардан  азат итәргә киткән. Шулардан фәкать 167 кеше генә туган авылга әйләнеп кайту бәхетенә ирешкән. Калганнары, ягъни 294 кеше Ватан өчен изге көрәштә киләчәк буыннарның якты киләчәге өчен корбан булганнар.

Каһарманнар истәлеген зурлап,

Күп җирләрдә һәйкәл калыкты.

"Туган илне уяу саклагыз!" − дип,

                                                                                             Ул  чакыра гүя халыкны.