4 нче майда Утар –Аты  мәктәбе укучылары  хәрби  хезмәт ветераны, подполковник Булат Нуриәхмәтов белән очрашты. Авыл җирлегеннән чыккан авылдашларның орден белән бүләкләү кәгазьләрен табуы, аларның зур батырлыклары турында сөйләде ул. Утар –Аты авылыннан Бәйрәмов Юныс  (Орден Красной Звезды), Сөләйманов Мәхмүт Салихович   (“Орден Отечественной Войны I степени”);  Орнашбаш авылыннан Хасанов Абдулла Хасанович  (“Орден Красной Звезды”, медали “За Боевые Заслуги”, “ За Оборону Ленинграда”); Рәхимов Якуб Рәхимович ( “Орден Красной Звезды”) зур батырлыклар күрсәтәләр, орден һәм медальләр белән бүләкләнәләр. Булат абыйлары укучыларга “Подвиг народа” дигән электрон архивтан  (http://podvignaroda.mil.ru) үз бабаларын эзләп табарга киңәш итте. Бабайларының нинди батырлыклар эшләүләрен белсеннәр, алар белән горурлансыннар дип,  бу бүләкләү кәгазьләрен  оныклары Сөләйманова Ләйсән һәм Сөләйманова  Алсуга тапшырды.