Субаш Аты авылында туып, бүгенге көндә Казан шәһәрендә яшәп иҗат итүче, “Йөрәк парчалары”, “Бер мәхәббәт тарихы”, “Көзге аҗаган”, “Памир”, “Бабайлар чуагы” һәм башка китаплар авторы, шагыйрь Рәис Сафин белән “Казан арты” тарих–этнография музеенда очрашу булды. Якташыбызның 80 яшьлек юбилеена багышланган әдәби кичәгә һәр мәктәптән татар теле һәм әдәбият укытучылары чакырылды. Шагыйрь үзенең иҗаты һәм тормыш юлы белән таныштырды. Туган ягыннан килгән классташлары, авылдашлары һәм мәктәбебез укытучылары аңа укучылар көче белән ясалган картина бүләк иттеләр һәм изге теләкләрен юлладылар. Әлеге кичә бик матур, гади, эчкерсез булды.