Кеше тормышында иң дулкынландыргыч минутлар тәүге тапкыр мәктәпкә килүдер. Әйе, бүген мәктәбебездә белем бәйрәме, кулларына чәчәк бәйләмнәре тотып, укучыларыбыз мәктәпкә килделәр. Аларны озатып әти-әниләре, абый-апалары да мәктәпкә ашыкты. Белем бәйрәме елдагыча оешкан матур төстә дәвам итте. 9 нчы сыйныф укучылары белән башлангыч сыйныф укучылары әзерләгән кичәне карадык. Килгән кунаклар, әти-әниләр, укучыларга  үзләренең теләкләрен җиткерделәр. Беренче класс укучысына бүләкләрен тапшырдылар. Ветеран укытучыларыбыз да мәктәпкә килделәр. Буыннар алмашып торса да, чәчләренә чал кунса да, мәктәп сулышы белән яшәгән ветеран укытучыларыбыз белән чиксез горурланабыз, Елдагыча сүзне ветеран укытучыбыз Илсум Хәким улына тапшырдык. Ул үзенең мәктәптә укыган һәм укыткан вакытларындагы истәлекле вакыйгаларга тукталды. Кеше тормышында иң кирәкле булган-вакытны. әрәм итмәскә аны файдалы итеп уздырып, тырышып укырга, әти-әниләрне, өлкәннәрне хөрмәт итәргә илгә файдалы кешеләр булып үсәргә яшь  буынны чакырды.