Телефон доверия

Бүген 9 сыйныф укучылары проект эшләрен якладылар. Һәр укучы бик зур хезмәт куйган. Сайлаган темалары мавыктыргыч, бугенгесе көндә бик актуаль.

2023 нче ел В.В. Путин указы буенча Россиядә укытучы һәм остаз елы буларак игълан ителде. Шул уңайдан ел дәвамында мәктәбебездә бик куп чаралар планлаштырылды. Китапханәдә мәктәп тарихын чагылдырган күргәзмә оештырылды.
Бүген китапханәче Сафина И.В 5 нче класс укучылары белән «Онытырга хакыбыз юк!» дип исемләнгән чара үткәрде. Ильфинур Вакказовна укучыларга мәктәпнең элеккесе һәм хәзергесе турында сөйләде. Укучылар альбомнардан мәктәп ачылган чорда эшли башлаган укытучылар, шул вакыттагы укыту системасы турында белделәр, үзләренең әти -әниләренең мәктәптә укыган чордагы фотоларын күрделәр.

Утар-Аты мәктәбе коллективы һәм әти-әниләр Лисичанск шәһәрендә яшәүчеләргә гуманитар ярдәм җыеп Арча районы «Бердәм Россия» партиясе бүлекчәсенә тапшырды

Субаш-Аты башлангыч мәктәбендә "Рәхмәт сиңа, Әлифба" дигән кичә узды. Укучылар поезд белән "Әлифба" тукталышыннан "Хәрефстан" иленә сәяхәткә чыктылар һәм төрле биремнәр үтәп "Әдәби уку" тукталышына кайтып туктадылар.1 нче сыйныф укучысы Хөсәенова Язилә өчен бу бәйрәм бигрәк тә истә калыр. Аңа укуында уңышлар телибез.

Нигә бүген бөтен җирдә
Чәчәкләр балкый бездә,
Нигә кояш көлеп карый,—
Беләбез һәммәбез дә.
Бүген — әниләр бәйрәме,
Бүген җирдә тантана.
Кояш шуңа көлә бүген,
Гөлләр шуңа шатлана.
 

7 Март көнне Субаш-Аты мәктәбендә "Ягез әле, әниләр!" темасы астында бәйрәм бәйгесе үтте. Әниләребез төрле яктан осталыкларын, һөнәрләрен күрсәттеләр. Бәйге җыр, бию, шигырь белән үрелеп барды. Барыгызны да 8 Март бәйрәме белән, кадерле Хатын-кызлар!

Барлык башлангыч класс укучылары әниләрен бәйрәм белән котлый

1 сыйныф укучылары тырышып бүләк әзерләделәр.

Башлангыч классларда "Юлларда имин йөрик!" дип исемләнгән тәрбия дәресе үтте. Соңыннан укучылар "Юл билгеләрен таны“ дигән уен ярдәмендә белемнәрен ныгыттылар.