Мәктәбебездә үзләренең 40 еллап гомерләрен укучылары белән бергә үткәргән укытучыларыбыз – рус теле һәм әдәбияты укытучысы Зарипова Гөлчирә Рәфкат кызы һәм математика укытучысы Гарифуллин Вәгъдәнур Рамазан улының туган көннәре - юбилейлары билгеләп үтелде.

Сезгә карап сокланабыз һәрчак

Күңелләрдә туа горурлык.

Рәхмәт сезгә, әле ярый сез бар

Безгә үрнәк булып торырлык.

14 март көнне волейбол командалары арасында зона ярышлары безнең мәктәптә үтте. 4 мәктәптән командалар ярышты. Егетләр арасында I урынны Урта Курса командасы, кызлар арсында Сеҗе мәктәбе командасы яулады.

Ярышларны спорт мәктәбе тренеры Зәйнетдинов А.М. оештырды.
 

10 март көнне районда үтәчәк волейбол ярышларына әзерлек эшләре башланып китте. Мәктәпнең спортзалында Югары Курсы, Түбән Курса, Корайван авылы укучылары көч сынашты. Нәтиҗәдә, Югары Курса авылы укучылары командасы җиңү яулады. Барлык спорт ярышларын оештыруга физик тәрбия укытучысы Әхмәдуллин Камил Салих улы җитәкчелек итте.

Укучыларның сәламәтлеген ныгыту, сәламәт яшәү рәвешен пропагандалау максатыннан мәктәптә класстан тыш чаралар, ярышлар даими уздырыла. 7 март көнне 3 авыл укучылары арасында хоккей ярышлары булып узды. 3 команда да бертигез көчле булып чыкты.
 

     29 февральдә Арча муниципаль районы гомуми белем мәктәпләренең профсоюз рәисләре семинары булды. Семинарда 1-3нче сыйныфларда әдәби уку, 6нчы сыйныфта әдәбият, 7нче сыйныфта математика, 8нче сыйныфта инглиз теле, 9нчы сыйныфта электив курс буенча дәресләр үткәрелде.

     Мәктәпнең профсоюз эшчәнлеге белән мәктәп директоры Хәбибуллин Фәнил Мәүлетҗан улы һәм профком рәисе Юнысова Рузилә Котдус кызы таныштырды.

     Харисов В.В. район мәктәпләренең профсоюз эшчәнлегенә нәтиҗәләр ясады, алда торган отчет-сайлау компаниясе турында мәгълүматлар бирде.

     Килгән кунаклар өчен "Башваткыч" интеллектуаль уены тәкъдим ителде.

"Аулак өй" кичәсе халкыбызның бик күңелле уеннарын искә төшерергә ярдәм итте.

17 февраль көнне мәктәбебездә районның педагог- оештыручылар семинары үтте. Семинарда катнашучылар игътибарына 3 класстан тыш чара тәкъдим ителде.Район күләмендә үткәрелгән "Сәламәтлек театры" конкурсында I урынны яулаган "Спорт теремкәе" спектакле.

"Батырлар гомере мәңгелек" кичәсе патриотик тәрбия айлыгына багышланды.
 

2012 елның 6 февраленнән 11 февраленә кадәр мәктәптә математика фәне атналыгы үтте. Атналык кысаларында борынгы бирнәләрдән күргәзмә оештырылды.Укучылар төрле елларда чыккан газеталар белән таныштылар. Хәзерге газеталарны элеккеге газеталар белән чагыштырдылар.Шулай ук кроссвордлар конкурсы, 6нчы класс укучыларыарасында математик олимпиада үткәрелде.

9 класста "Арифметик прогрессия.Арифметик прогрессиянең n-чы буын формуласы"  темасына ачык дәрес, математик шигырьләр, әкиятләр конкурсы,8-9 класс укучылары арасында "Кем отличник булырга тели" уены үткәрелде.