28 сентябрь көнне участок уполномоченные Шәрәпов Марсель Гаптрауф улы белән “Куркыныч янаганда” дигән темага очрашу-әңгәмә уздырылды. 

Укучыларда чисталык, пөхтәлек сыйфатлары булдыру, тәмәке, алкоголь, наркотиклар куллануның тискәре йогынтысы турында аңлату эшләре алып баруда тәрбия дәресләренең әһәмияте зур.

23 нче сентябрь көнне  мәктәп күләмендә терроризм һәм экстремизмга каршы “Авто, мото, велопробег” исемле кичә уздырылды. 9 нчы класс укучылары велосипедларда, мотоциклларда йөреп, һәркемне тыныч, матур тормышта яшәргә чакырдылар.

Терроризмга каршы көрәш максатыннан укучылар арасында иншалар конкурсы ,  “Терроризм һәм экстремизм – җәмгыятькә янау!” темасы астында рәсемнәр, плакатлар  конкурсы үткәрелде.

Тәмәке тарту, алкоголь һәм наркотиклар яшьләр арасында киң кулланылу сәбәпле, мәктәптә укыган чорда ук моңа каршы профилактика чаралары үткәрү бу төр бәйлелектән котылырга ярдәм итә. “Наркотикларга каршы көрәш айлыгы” нда барлык классларда да шушы темаларга класс сәгатьләре уздырылды.  

18 сентябрь көнне  9 нчы класс укучылары белән “Наркотиклар. Закон. Җаваплылык” темасына уен-ярыш уздырылды. Укучылар законнар, хокук бозуларны кисәтү буенча белемнәрен ныгыттылар, ситуацияле мәсьәләләр чиштеләр.

16 сентябрьдән 16 октябрьгә кадәр “Без тормыш өчен тавыш бирәбез” дигән исем астында наркотикларга каршы көрәш айлыгы  игълан ителде. Айлык  барышында  төрле конкурслар үтә, наркотикларның зыяны турындагы рәсемнәрдән, китаплардан күргәзмә эшли.

15-20 сентябрь көннәрендә класслар арасында “Без тынычлык яклы!”, “Без халыклар дуслыгы яклы!” темаларына стенгазеталар конкурсы үткәрелде

Экологик культура һәм әйләнә-тирәне саклау елы уңаеннан 1-4, 5-9 нчы классларда Чисталык дәресләре үтте.

“Бергәләп эшлик!” акцииясендә катнашып,  мәктәп яны участогы, аның тирә-ягы чистартылды, чүптән арындырылды.