26 ноябрь көнне Арча балалар-яшүсмерләр спорт мәктәбе спортзалында 2002-2003 нче һәм аннан да кечерәк яшүсмерләр арасында «Тайд Фойл» призына район беренчелеге буенча көрәш ярышы булып үтте. Ярышларда барлыгы 21 мәктәптән 119 көрәшче катнашты. Ярышлар 10 үлчәү авырлыгында үткәрелде. Мәктәбебезнең 15 яшь көрәшчесе әлеге бәйгедә үзләрен сынады һәм матур нәтиҗәләр күрсәтеп, мәктәп командасы 1 нче урынны яулады. Укучыларны көрәш буенча ярышларга әзерләгән тренер Әхмәдиев М.Г. зур рәхмәтебезне җиткерәбез. Нәтиҗәләр түбәндәгечә: 55 кг кадәрле үлчәү категориясендә Хөснетдинов Рәмис - 2 урын; 60 кг. кадәрле үлчәү категориясендә Сәләхов Илнар – 1 урын; Закирҗанов Илназ – 3 урын; 65 кг. кадәрле үлчәү категориясендә Рамазанов Илназ - 2 урын; 70 кг. кадәрле үлчәү категориясендә Нурисламов Рәниф - 1 урын; 75 кг. югары үлчәү категориясендә Мөхәрләмов Айдар - 1 урын; Айдар “Иң чиста алым күрсәтүче” номинациясендә дә спонсор бүләгенә лаек булды. Бүгенге линейкада яшь көрәшчеләрне, аларның тренерларын кабат бүләкләү тантанасы булды. Афәрин, егетләр!

Бүген мәктәптә баскетбол буенча зона ярышлары үтте.Малайлар арасында 1 нче урынны Сеҗе мәктәбе, 2 нче урынны Урта Курса мәктәбе, 3 нче урынны Кәче, 4 нче урынны Сикертән, 5 урынны Курса Разъезды мәктәпләре командалары алды.Кызлар командалары арасында нәтиҗәләр түбәндәгечә: 1 нче урында - Сеҗе мәктәбе, 2 нче урында - Урта Курса, 3 нче урында - Сикертән, 4 нче урында - Кәче, 5 нче урында - Курса Разъезды мәктәпләре командалары. Җиңүчеләргә районда узачак ярышларда уңышлар телибез.

Әни - Жир йөзендәге ин кадерле, иң изге кеше. Әни, әнкәй… Бу якты дөньяга килгәч тә безне, йомшак куллары белән сыйпап, ак биләүгә биләүче, еласак, жыр көйләп юатучы, татлы йокыдан иркәләп уятучы, яшәргә көч - дәрт бирүче, гомер буена кайгы – шатлыкларыбызны уртаклашучы, тормышыбызнын бизәге, таянычы, акыллы уй – фикерләре белән тормыш дигән олы юлдан алып баручы ул. Бүген әниләр бәйрәме уңаеннан укучылар көче белән концерт куелды.

26 ноябрь көнне мәктәбебезнең “Мөстәкыйль балалар” мобиль бригадасы әниләрне бәйрәм белән котлап, “Сәламәт әни-сәламәт бала” акциясе уздырдылар.

Чәчәк букетлары бүләк итсәк,

Чәчәк букетлары корыр ул.

Йөрәк җылыбызны бүләк иттек,

Югалтмассыз, мәңге торыр ул.

26 нчы ноябрь көнне урта Курса төп мәктәбендә башлангыч профсоюз оешмалары арасында бадминтон һәм өстәл теннисы буенча зона ярышлары үтте. Ярышларда Арчаның 4 нче, 9 номерлы балалар бакчасы, Арча Укучылар сарае, Иске Чүриле урта мәктәбе, Урта Курса төп мәктәбе, Арчаның 1 нче номерлы мәктәбе, Курса разъезды мәктәпләренең профсоюз оешмасы вәкилләре көч сынашты. Нәтиҗәләр өстәл теннисы буенча түбәндәгечә: хатын-кызлардан Фәрхуллина Е.М.( Балалар бакчасы №9)- 1 урын, Ахметзянова С.И.(АДШ)- 2 урын, Шаһниева Р.Р. (Урта Курса)- 3 урын. Ир-атлар арасында: Җәләев Р.И.(Иске Чүриле)- 1 урын, Хәбибуллин Ф.М. (Урта Курса) - 2 урын, Лотфуллин М.Л. (АДШ) - 3 урын. Бадминтон буенча хатын-кызлар арасында нәтиҗәләр: Зарипова Г.Ф.(Курса разъезды)- 1 урын, Галиева Е.П. (АДШ) - 2 урын, Мухаметшина Л.В. (Балалар бакчасы №9) - 3 урын, Минһаҗева Ч.М. (Урта Курса) - 4 урын. Ир-атлар арасында нәтиҗәләр: Сәгъдиев Т.И.(Иске Чүриле) - 1 урын, Кәримуллин Н.Ф. (Курса разъезды) - 2 урын, Гарипов Р.Р. (Урта Курса)- 3 урын, Таҗиев Д.Г. (АДШ)- 4 урын. Җиңүчеләрне котлыйбыз, алдагы район ярышларында да уңышлы чыгыш ясауларын телибез.

Бүген мәктәптә ата-аналар җыелышы булып үтте. Әниләр көне уңаеннан укучылар әниләренә иң матур шигырьләрен, җырларын, дәртле биюләрен бүләк иттеләр. Әти-әниләр белән очрашуга Арча шәһәренең балигъ булмаган яшүсмерләр белән эшләүче инспекторы Зәйнуллин И.Җ., участок уполномоченные Йосыпов И.Н., фельдшер Хәсәнова Ә.килгән иде. Алар әти-әниләргә киңәшләр бирделәр, балаларның язмышы, сәламәтлеге өчен җаваплы булырга чакырдылар. Соңыннан чирек нәтиҗәләре, укучыларның уңышлары белән укыту эшләре буенча директор урынбасары Вәлиева Н.Т. таныштырды. Балаларның психикасына йогынты ясаучы тискәре гадәтләр турында тәрбия эшләре буенча директор урынбасары Садриева Н.З. чыгышы тыңланды.Мәктәп директоры Хәбибуллин Ф.М. укучыларның дәрес хәзерләүдәге җитешсезлекләрен ассызыклады, әти-әниләрне балаларның укуына, үз-үзләрен тотышына тагын да игътибарлырак булырга чакырды.

4 нче сыйныфта «Сүзлекләр көне” уңаеннан “Шундый төрле, төрле сүзлекләр” темасына сыйныф сәгате үткәрелде. Укучылар презентация генә карап калмадылар, төрле сүзлекләр белән таныштылар, алардан файдаланып карадылар. “Сүзлекләр – безнең ярдәмчеләребез. Алардан файдаланырга кирәк,” – дигән нәтиҗә ясадылар.

Наркоманиягә каршы көрәш акциясе кысаларында  2-3 нче сыйныф укучылары белән "Тормышың өчен үзең җаваплы!" темасына сөйләшү үтте. Укучылар белән зарарлы гадәтләрдән саклану, җәмгыятьтә үзеңне тоту нормалары турында сөйләшенде һәм укучылар фильмнар карадылар.