1 нче декабрь - РСФСРның атказанган мәдәният хезмәткәре, Г.Тукай исемендәге Дәүләт премиясе лауреаты, Татарстанның халык язучысы, күп санлы әсәрләр авторы – М.Мәһдиевнең туган көне. Әгәр дә исән булса, олуг язучыбызга 95 яшь булыр иде. Туган туфрагыбызда туып, туган җиребезнең матур табигать кочагында, аның гади, тырыш, намуслы халкы арасында үскән бу якташларыбыз белән без чын күңелдән горурланабыз!
Мөхәммәт абый соңгы сулышына кадәр туган ягына мәдхия җырлады, аңа тугрылыклы булып калды. Әгәр дә Мөхәммәт абый үзе исән булса, аның иҗатын яратып өйрәнүчеләрне күреп, ничек куаныр иде!
М. Мәһдиев якташлары белән эчкерсез горурланып яшәде һәм иҗат итте. Татар халкы үз улын онытмас, аны һәрчак сагынып, олылап искә алыр!

2024 нче елның 29 нчы ноябрендә Г.Камал исемендәге Сикертән төп мәктәбендә Татарстанның халык язучысы, Г.Тукай исемендәге Дәүләт премиясе лауреаты, күп санлы әсәрләр авторы – М.Мәһдиевнең 95 еллык юбилеена багышланган IX Районара М.Мәһдиев укулары булып узды. Шул уңайдан мәктәбебезгә мөхтәрәм кунаклар кайтты: Мөхәммәт Мәһдиевнең кызы, Саҗидә Сөләйманова, Гавриил Державин исемендәге әдәби премияләр лауреаты, тәрҗемәче буларак Татарстан язучылар берлеге әгъзасы – Хәсәнова Гәүһәр Мөхәммәт кызы; шагыйрә, журналист, “Түгәрәк уен” журналының баш мөхәррире, Саҗидә Сөләйманова, Һади Такташ премияләре лауреаты, Татарстан Язучылар берлеге әгъзасы, Татарстанның атказанган сәнгать эшлеклесе, Татарстан Язучылар берлеге рәисенең иҗат мәсьәләләре буенча беренче урынбасары, М.Мәһдиевнең студенты – Иксанова Илсөяр Вазыйх кызы; журналист, режиссёр, «Кеше китә – җыры кала” телесериалының сценарий авторы, режиссёры – Александр Анатольевич Далматов; Татарстан Республикасының атказанган укытучысы, Россия Федерациясенең мәгариф отличнигы, озак еллар “Казан арты” тарих-этнография музееның әдәбият-сәнгать бүлеге җитәкчесе булып эшләгән Гарипов Шәфигулла Зәйнулла улы; Арча муниципаль районы “Мәгариф идарәсе” муниципаль учреждениесе җитәкчесе – Мөхәмәдияров Рамил Данил улы; Арча муниципаль районы «Мәгариф идарәсе” муниципаль учреждениесенең милли мәсьәләләр буенча методисты – Мостафина Энҗе Габдуллатҗан кызы; “Агрокомплекс “Ак Барс” ширкәте директоры – Абдуллин Ленар Илсур улы.
Арча муниципаль районы “Мәгариф идарәсе” муниципаль учреждениесе җитәкчесе Мөхәмәдияров Рамил Данил улы укучыларның иҗади сәләтләрен ачуда М.Мәһдиев укуларының зур этәргеч булуын билгеләп үтте. Фәнни-гамәли конференциянең максаты:
- Татарстанның халык язучысы, Г.Тукай исемендәге Дәүләт премиясе лауреаты, әдәби тәнкыйтьче, әдәбият галиме Мөхәммәт Мәһдиевнең 95 еллыгын IX Районара Мәһдиев укуларында билгеләп узу.
Бурычлары:
- Мөхәммәт Мәһдиевнең иҗатын тирәнтен өйрәнү;
- укучыларда фәнни-тикшеренү күнекмәләре формалаштыру;
- халкыбызның тарихы, мәдәнияте, милли үзенчәлекләре белән кызыксындыру;
- укучыларда әдәби иҗатка омтылыш тәрбияләү;
- сәләтле балаларның иҗади эшләренә бәя бирү һәм аларны бүләкләү.
Конференция күтәренке рухта Нотфуллина Адилә башкаруында “Моңнар кайтсын авылга”җыры белән башланып китте.
Чарага килгән мөхтәрәм кунакларны, барлык катнашучыларны сәламләп, мәктәбебез директоры Сөнгатов Шәүкәт Җәүдәт улы бәйрәмне дәвам итте. Бәйрәм матур җырлар, нәфис сүз белән үрелеп барды. Укытучылар, укучылар, мәдәният хезмәткәрләре Мөхәммәт Мәһдиевнең “Торналар төшкән җирдә”, “Без - 41 нче ел балалары” әсәрләреннән өзекләр сәхнәләштереп күрсәттеләр. Кичә барышында шулай ук язучының “Ачы тәҗрибә” әсәренә нигезләнеп төшерелгән видеоөзек тәкъдим ителде. М.Мәһдиев музее җитәкчесе Габидуллина Халидә Кыям кызы тарафыннан, язучы иҗатын кулланып язылган өзекләр сәхнәләштереп күрсәтелде, шулай ук музей фондын кулланып күргәзмә оештырылды. Гөберчәк авылы китапханәчесе Зарипова Гөлфирә Зөфәр кызы тарафыннан әзерләнгән М.Мәһдиев китапларын туплаган күргәзмә тәкъдим ителде.
Фәнни-гамәли эшләрнең 2 төрле юнәлеше тәкъдим ителде, түбәндәге темалар буенча иҗат эшләре каралды, нәтиҗәләр ясалды. “Мөхәммәт Мәһдиев эзеннән” юнәлешендә 6-9 нчы класс укучылары катнашты. Алар М.Мәһдиевнең әсәрләренә, публицистикасына, тәнкыйть мәкаләләренә, истәлекләренә таянып фәнни эшләр тәкъдим иттеләр.
“Кул эшләрем – җанга сихәтем” юнәлешендә укытучылар түгәрәк өстәл артында үзләренең иҗади остаханәләрен тәкъдим иттеләр. Мөхәммәт Мәһдиев әсәрләрендә чагылган кул эшләренең туган (татар) теле һәм әдәбияты дәресләрендә, класстан тыш чараларда кулланылышы турында чыгышлар ясадылар. Арча муниципаль районы «Мәгариф идарәсе” муниципаль учреждениесенең милли мәсьәләләр буенча методисты Мостафина Энҗе Габдуллатҗан кызы һәм килгән кунаклар укучыларның һәм укытучыларның иҗади сәләтләрен, тырышлыкларын, эзләнүчәнлекләрен югары бәяләде, җиңүчеләргә дипломнар һәм истәлекле бүләкләр тапшырды
IX Районара Мөхәммәт Мәһдиев укуларына Арча, Теләче, Биектау, Әтнә муниципаль районнары һәм Казан шәһәре укучылары һәм укытучылары актив катнашты.
Туган авылының үткәненә гашыйк булган, халкыбызның гореф-гадәтләрен чын күңеленнән ихтирам иткән, каләмен чарлаганда алардан илһам тапкан язучыбыз, туган ягыбызның горурлыгы, авыл җырчысы Мөхәммәт ага Мәһдиевнең 95 еллык юбилеен искә алып үткәрелгән чара һәр кешенең күңелендә матур истәлек булып сакланыр!

27 нче ноябрь көнне Арчаның Укучылар сараенда шахмат ярышлары булып узды. Ярышларда үз яшь категорияләрендә беренче урыннарны алган шахматчы укучылар җыелды. Ярышның 4 нче этабында укучыларыбыз җиңү яуладылар. Укучыларга һәм җитәкчеләре Нәбиуллин Разил Расип улына алга таба да зур уңышлар телибез!

В наше время, когда темп жизни ускоряется, а стрессы поджидают на каждом шагу, забота о себе становится необходимым условием для внутреннего равновесия. Ведь, осознавая свои границы и учась бережно относиться к своим эмоциям, мы можем лучше понимать чувства окружающих и строить взаимоотношения, основанные на взаимопомощи и уважении.
Эмоциональное состояние каждого из нас в значительной степени влияет на наше самочувствие и здоровье. Негативные эмоции, при длительном воздействии, способны ухудшить наше здоровье, поэтому важно учиться регулировать свое эмоциональное состояние. Сегодня на занятии "Разговоры о важном" учащиеся играли в игры и смотрели вдохновляющие видеоролики, которые помогли понять, как важно поддерживать друзей, делиться добротой и вниманием.

“Татар кызы” бәйгесе күңел ачу өчен генә түгел, ә шушы тамаша аша, татар халкының йөзек кашы, намусы, киләчәге булган хатын- кызларыбызның милли йөзен саклап калу, гореф-гадәтләребезне, йолаларыбызны кире кайтару, телебезгә ихтирамлы мөнәсәбәт булдыру, балаларыбызны иманлы итеп тәрбияләү, гаиләләрдә халкыбызның асыл сыйфатларын күрсәтү максаты белән үткәрелә. “Татар кызы” бәйгесендә 6 нчы класс укучысы Асхадуллина Алинә катнашты. Аңа уңышлар теләп калабыз!

"Туган телем сагында" акциясе кысаларында 6-9нчы класс укучылары бн Татарларның милли орнаментлары турын да сыйныф сәгате уздырылды.
Таталарның милли орнаментлары - татар халкына гына хас кием-салым, көнкүреш әйберләре, йортларны бизәү өчен кулланыла торган үзенчәлекле бизәк.
Татар халкының борынгы һәм колоритлы мәдәнияте бар. Аның көнкүреше, шатлык-кайгылары, сугышлары, тормыш рәвеше, ышанулары иҗатында чагылыш тапмаган. Чөнки татарлар борынгы халык, аның тарихы һәм мәдәнияте гасырлар дәвамында исәпләнә. Үзенең көнкүреше һәм дөньяны күзаллавы белән татар милләте янәшә урнашкан башка милләтләрдән аерылып тора. Шуңа күрә, татарларның кием-салым, көнкүреш әйберләре, йортлар бизәү өчен кулланыла торган орнаменты бик тә үзенчәлекле.

Йөрәк түрләреннән урын алып
Гомер буе сине озата бара.
Уңыш, ялгышларны күзләп тора
Укытучы – бар дөньяга “Ана”.
Укытучы! Әлеге сүзне ишетүгә күбебезнең күз алдына нәни кулыбыздан тотып язарга өйрәткән беренче укытучыбыз килеп баса. Ничек кенә булмасын, һәр кешенең “Менә ул чын укытучы”, – диярлек остазы бар. Ул аны еллар узган саен сагынып искә ала, гомере буена рәхмәт укый. Районыбызда да укытучыларыбызны хөрмәтләп торалар. “Минем беренче укытучым ” исеме астында иншалар язу бәйгесе булып узды. Безнең укучыларыбызда актив катнашып җиңүчеләр арасына керде. Шәймәрдәнов Илсаф, Хөсәинова Ясминә, Гарипова Назгөл матур язмалары белән соендерделәр. Алда да аларга уңышлар телибез.

Ученик 8 класса Нургаянов И.И. (руководитель Шаймарданова А.Р.) принял участие в республиканской олимпиаде по теме «Защита прав потребителей» среди учащихся 8-11 классов общеобразовательных организаций Республики Татарстан и набрал 21 баллов из 30 возможных, был поощрён сертификатом участника.

Ясалма интеллект - ул безнең тормышны яхшырак итә торган катлаулы, күзгә күренми торган алгоритмнар. Ул хәтта дөньяның бөек галимнәренә караганда да акыллырак һәм нәтиҗәлерәк. Мәсәлән, ясалма интеллект  санаулы секундлар эчендә гигант күләмдәге мәгълүматны эшкәртә һәм алардан нәтиҗәләр ясый ала. Ясалма интеллектта юмор хисе, креативлык юк. 
Бүген мәктәбебездә шушы темага кагылышлы “Ясалма интеллект һәм кеше” дип аталган класс сәгатьләре үткәрелде. Класс сәгатенең максаты: укучыларның “ясалма интеллект” турындагы күзаллауларын формалаштыру, ясалма интеллект технологияләре һәм аның заманча белем бирүдәге әһәмияте, индустриядә перспективалы һәм кирәкле һөнәрләр белән танышу. Класс сәгатьләрендә укучылар бик күп мәгълүмат алдылар.

С целью формирования антикоррупционного мировоззрения учащихся был проведён муниципальный этап республиканских конкурсов антикоррупционной направленности: конкурс творческих работ антикоррупционной направленности «Знай и не допускай!», конкурс творческих работ (сочинений) обучающихся «Строим будущее без коррупции!», конкурс творческих работ (сочинений – эссе) обучающихся национальных школ на родном языке «Скажем коррупции «Нет!». Наши ученики Камалова Диляра и Нургаянов Ильназ стали победителями и призёрами муниципального этапа республиканского конкурса творческих работ (сочинений) обучающихся национальных школ на родном языке «Скажем коррупции «Нет!»