Бүгенге көнебез иртәсе тантаналы линейка белән башланып китте. Укучы кызларыбыз, 23 февраль - Ватанны саклаучылар көне уңаеннан,  укытучыларыбызны һәм егетләребезне бәйрәм белән котладылар, үзләре иҗат иткән шигырьләр һәм җырларны башкардылар.

        Мәктәбебездә “Татар кызы – 2017” бәйгесе үткәрелде. Һәрбер класстан бер катнашучы сайлап алынган иде. Алар төрле номинацияләрдә үзләренең көчләрен сынадылар. “Иң күркәм кыз”, “Иң озын толымлы кыз”, “Тамашачы мәхәббәтен яулаган кыз”, “Иң тапкыр кыз”, “Иң гүзәл кыз”, “Иң сөйкемле кыз”, “Моңлы сандугач” һ.б. номинацияләренә ия булдылар.

            В рамках проведения в 2017 году в Российской Федерации Года особо охраняемых природных территорий в школах Российской Федерации стартовал проект «Всероссийский заповедный урок» который реализуется по инициативе ЭкоЦентра «Заповедники» в рамках Программы «Движение друзей заповедных островов», при информационной поддержке Минприроды России и Минобрнауки России.

Активное участие в данном проекте принимает Татарстан, и в том числе учащиеся нашей школы. Сегодня в рамках этой акции был проведен урок на тему «Заповедники и национальные парки Татарстана».

  Бүген Г.Камал исемендәге Сикертән төп гомуми белем мәктәбендә Халыкара туган тел көненә багышлап, “Туган телем – Тукай теле” дигән әдәби кичә булды. Кичәдә 2-8 нче класс укучылары катнашты. Кичәдә укучылар Халыкара туган тел көне турында мәгълүмат бирделәр. “Иң татлы тел – туган тел” темасына шигырьләр сөйләделәр, җырлар җырладылар. Кичә барышында укучыларда татар теленә кызыксыну һәм хөрмәт, милли үзаң, милли горурлык хисләре тәрбияләнде.

    Мәктәбебездә туган тел атналыгы дәвам итә. Шуның кысаларында төрле тәрбия чаралары үткәрелеп тора. Бүген 5-8 нче сыйныф укучылары татар теле һәм әдәбияты укытучысы Нәгыймова Р.Р. һәм тәрбия эшләре буенча директор урынбасары Заһидуллина Г.Д. җитәкчелегендә Гөберчәк авылындагы  китапханәгә  һәм Мөхәммәт Мәһдиев исемендәге  музейга экскурсиягә бардылар. Китапханә җитәкчесе Зарипова Г.З. укучыларны яңа китаплар белән таныштырды, музей җитәкчесе Халидә Габидуллина  Мөхәммәт Мәһдиевнең иҗаты һәм тормыш юлы,  хәтердә уелып калган истәлекләр  белән таныштырды, туган телебезгә мәхәббәт уятты.

              Сабыйларның яраткан мультфильмнарының берсе – «Фиксики» мультфильмы, Тукай телендә сөйләшә башлады! Бу яңалык Сикертән төп гомуми белем мәктәбенең башлангыч класс укучыларын да сөендерде. Мультфильмының татарча варианты 1 – 4 класс укучыларына бик ошады, бик аңлаешлы итеп эшләнгән. Ул – хәзергә татарча карарлык бердәнбер мультфильм. Бу – Татарстан республикасы дәүләт программалары кысаларында эшләнелә торган проект. Ул инде беренче ел гына тормышка ашырылмый, шуның дәвамы буларак бара. Нәкъ менә әлеге мультипликацион фильмның сайлап алынуы да юкка түгел. Чөнки «Фиксиләр» популяр, балаларның яшь үзенчәлекләренә туры килә, сабыйларны җәлеп итә. Бу үзенчәлекләрнең барысын да истә тотып, шушы мультфильмны тәрҗемә итәргә Татарстан Мәгариф һәм фән министрлыгының Милли мәгариф идарәсе алынды.  

          Без сугыш кырларында ятып калганнарны да, сугыштан соң тыныч тормыш  төзүчеләрне дә хәтерлибез. Галиәсгар Камал исемендәге Сикертән төп гомуми мәктәбенең татар теле һәм әдәбияты укытучысы Нәгыймова Равилә Рәфкать кызы, 5 – 7 сыйныф укучылары өчен батырлык дәресе үткәрде. Җиңүнең авырлыклар белән яулануын, Ватанны яклауга бөтен халык – ирләр дә, хатын-кызлар да, картлар да, балалар да күтәрелүен сөйләде. Укучылар Сикертәннең сугыш чоры тарихы белән таныштылар, Арча районының Советлар Союзы Геройлары, Сикертәннең сугышта катнашучылары турында информация алдылар. Дәрес барышында «С Победой в сердце» дигән  презентация күрсәтелде. Батырлык дәресе бер минут тынлык белән тәмамланды.

Хәрәкәттә-бәрәкәт!

Тәнгә керә көч һәм дәрт,

Тәнгә-сихәт, җанга-рәхәт,

Хәрәкәткә мең рәхмәт!

         Галиәсгар Камал исемендәге Сикертән төп гомум белем мәктәбендә, берсеннән-берсе күңелле чаралар уздырылып тора. Шушы көннәрдә физкультура укытучысы Нәбиуллин Разил Расип улы укучылар белән "Стартка әзерлән!", "Күңелле стартлар" исеме астында спорт чарасы үткәрде.  5-9 сыйныф укучыларына эстафета формасында оештырылган бу ярыш, зур җанлылык белән үтте, чөнки мондый ярышларда катнашучы укучының уңышы команданы җиңүгә алып  чыкканын  һәркем  белә.  Командалар ярышы дуслык җиңүе белән төгәлләнде.

      15 февраль - герой - шагыйрь  Муса Җәлилнең туган көне уңаеннан һәр класста әңгәмәләр булып узды. Татар теле һәм әдәбияты укытучысы Нәгыймова Р.Р. 5-8 нче класс укучылары белән "Батырлыгың алдында баш иябез" дигән ачык класс сәгате үткәрде.