"Күбәләкләр"лагеренда бүген "Балыкчы көне" булды. Иң беренчеләрдән булып Шакирова Зәринә,Накипов Самат балык тоттылар. Табигать кочагында рәхәтләнеп ял иттек, аяклар белән сулар ердык,тау битендә кызарып пешкән тәмле җиләкләр белән сыйландык.

"Күбәләкләр" мәктәп яны лагеренда бүгенге көнебез "Без табигатьне яратабыз" дип аталды. Без балалар белән Шушма елгасына сәяхәткә бардык.Чишмә янында булдык,аның агышын күзәттек,саф суы белән сыйландык,бит-кулларыбызны юдык. Елга буйларында сулар кереп,чәчрәтеп уйнадык. Тәннәребезгә шифа,көч алдык. Көнебез күңелле үтте.

" Күбәләкләр" мәктәп яны сәламәтләндерү лагеренда бүген "Сәяхәтләр көне". Иртәнге аштан соң беренче отряд Арча шәһәренә сәяхәткә китте.  Анда алар районыбызның иң матур җирләрендә булып,парк-стадионда рәхәтләнеп ял итеп кайттылар. Ә калган укучылар  "Умники и умницы" исемле уен-бәйгедә катнашып,үзләренең көчләрен сынадылар. Көнебез файдалы һәм күңелле үтте. 

Бүген 13 нче июнь көнне балалар иртән лагерьга җыелды. Иртәнге линейкага тезелеп,Россия һәм Татарстан гимннары астында флагларны күтәрдек.Линейкада көндәлек эш белән таныштык,иртәнге зарядка һәм аштан соң отрядларга таралдык.Бүген көнебез " Уйныйбыз да,җырлыйбыз да" девизы астында күңелле генә узып китте. Анда төрле уеннар өйрәнеп, бигрәк тә "Йөзек салыш" уенын яратып уйнадык. Көннең икенче яртысында "Сабантуй чишмәсенә" сәяхәткә бардык. Төрле дару үләннәре белән таныштык.Көнебез файдалы үтте.

Мәктәп яны сәламәтләндерү лагерының уникенче көне..

Бүген кояшлы матур иртәдә балалар лагерьга  бик теләп җыелдылар. Иртәнге зарядкадан соң, тәмле ашлар белән сыйлангач, балалар төркемнәрдә шөгыльләнделәр. " 12 июнь-Россия көне" уңаеннан әңгәмә үткәлелде,документаль фильм карадылар..Илебез турында белгәннәрне искә төшереп, викторина узды, рәсемнәр ясадылар. Көннең икенче яртысында саф һавада хәрәкәтле уеннар уйнадылар. Көнебез бик файдалы булды.

Мәктәп яны сәламәтләндерү лагереның тугызынчы көне. Рухи-әхлакый атнасы кысаларында "Күңелле ял итәбез" көне.

   Кояшлы матур иртәдә балалар лагерьга бик теләп җыелдылар. Иртәнге зарядкадан соң, тәмле ашлар белән сыйлангач, балалар өчен "Көйне таны" уены үткәрелде. Мультфильм, балалар өчен фильмнардан  көйләрне танып,танып очколар җыйдылар,кушылып җырладылар..Төшке аштан соң "Җәйге мизгелләр" темасына рәсемнәр ясап күргәзмәгә куйдылар.Көнебез сизелми дә үтеп китте.

Бүген лагерьның сигезенче көне. Иртән балаларны " Күбәләкләр" лагерында каршы алып,көнебез  Россиия һәм Татарстан флагларын күтәреп гимн белән башланып китте.Сәламәтләндерү гимнастикасыннан соң иртәнге тәмле ашлар ашадык.Рәсәй көнен каршылап кул эшләре эшләдек,флешмоб өйрәндек. Көннең икенче яртысында Кәрим Тинчурин театры артистлары куйган "Тылсымлы арена" дип исемләнгән әкият карадык 

Бүген мәктәп яны җәйге сәламәтләндерү лагерында җиденче көн. Иртәнге зарядка,тәмле аштан соң мәктәпнең актлар залында "Без коррупциягә каршы" дигән темага әңгәмә үткәрелде,балалар катнашында театрдан өзекләр уйналды,презентация күрсәтелде. Көннең икенче яртысында Рәсәй көненә әзерлек эшләре алып барылды,балалар рәсемнәр ясадылар.

Бүген лагерьның алтынчы  көне иртәнге зарядкадан башланып китте.Тәмле иртәнге аштан соң тәрбиячеләр балаларны мәктәпнең актлар залына җыйды. Бүген рус халкының бөек шагыйре Александр Сергеевич Пушкин тууына 224 ел. Шул уңайдан аның иҗатына багышлап балалар катнашында интрактив уен үткәрелде.Уеннан соң Пушкинның ике әкиятен карадылар. Көннең икенче яртысында А.С Пушкин әкиятләренә рәсемнәр ясадылар.