Әниләргә иң зур бүләк баласының үз куллары белән ясаганыдыр, мөгаен. Бүген башлангыч класс укучыларының һәркайсы күтәренке кәеф белән әнисен котларга ашыкты.Котлауларга без, укытучылар да кушылабыз.

27 ноябрь көнне 3 класс укучылары "Өч теләк" дип исемләнгән спектакль күрсәттеләр. Спектакльдә бүгенге көн проблемасы - кешеләр һәм җәнлекләр арасындагы мөнәсәбәт чагылдырылды, комсызлык фаш ителде.

Шекә башлангыч мәктәбендә аналар  көне үткәрелде.Бәйрәм күңелле үтте.

Әнкәсен, бик теләсә дә

Сайлап ала алмый кеше.

Әнкәйләрне Ходай бирә,

Ул- фәкать Ходай эше!

Башлангычлар атналыгы кысаларында 26 ноябрь көнне 2 класс укучылары технологиядән ачык дәрес күрсәтте.

25 ноябрь көнне район күләмендә үткәрелгән баскетбол ярышында безнең мәктәп кызлары командасы унышлы катнашты. 

    Бүген башлангыч класслар атналыгы кысаларында  1 класста ачык тәрбия сәгате үтте. Зайнагова Л.Р. укучыларын дус  яшәү серләренә өйрәтте. Укучылар уен формасында дуслык турында кагыйдәләр төзеделәр, үзләренең дуслары белән таныштырдылар, матур җыр тәкъдим иттеләр, Чукмар белән Тукмар турында мультфильм карап үз фикерләрен җиткерделәр. 

Мәктәпнең "Карлыгач" балалар оешмасында бүген зур бәйрәм. 2 класста укучы 9  укучының түшләренә кояшка,яктылыкка омтылучы, эшчән, тырыш туган ягыбызга яз алып килүче карлыгач төшерелгән значоклар тактык. Алар укытучылар, тәрбиячеләр, өлкән "Карлыгачлар", Варислар каршында, яхшы "Карлыгач" булырга һәм  "Карлыгачларның" кагыйдәләрен төгәл үтәргә вәгъдә бирделәр. Без "Дуслык" исемендәге дружина берлеге2 класс укучыларын бәйрәмнәре белән котлыйбыз, уңышлар телибез!

Башлангыч класслар атналыгы кысаларында 1 сыйныфларда математикадан ачык дәрес үткәрелде. Беренче сыйныф укучылары математикадан өйрәнгән белемнәрен күрсәттеләр,6 саны һәм цифры белән таныштылар,язарга өйрәнделәр. Киләчәктә аларга уңышлар юлдаш булсын!

 Бүген мәктәпнең барлык педагоглары катнашында педагогик киңәшмә узды. Эшлекле киңәшмәдә укыту-тәрбия эшләре буенча директор урынбасары Фатхрахманова Л.Ш. мәктәпнең  1 чирек нәтиҗәләренә анализ ясады. 5 класс укучыларының адаптациясе хакында сөйләшү, шулай ук БДИ һәм ОГЭ ны уңышлы тапшыру юллары хакында фикер алышу үткәрелде, хезмәтне саклау буенча чыгыш тыңланды.

 Шимбә көнне  мәктәптә11 классның әти-әниләре җыелышы узды. Укыту-тәрбия эшләре буенча директор урынбасары Фатхрахманова Л.Ш. әти-әниләрне быелгы уку елында БДИ тапшырудагы яңалыклар , үзгәрешләр белән таныштырды. Имтиханнарны  уңышлы тапшыруда ата-аналарның да   роле  зур  булуын искәртте.