5 нче апрель көнне Яңа Кенәр урта гомуми белем бирү мәктәбендә “РСФСР ның аткзанган укытучысы, Бөек Ватан сугышы ветераны  Рәгыйб Усман улы Халитов исемендәге  I  районкүләм һәм V мәктәпкүләм  “Арча ягы - туган ягым”   фәнни - гамәли укучылар конференциясе булып узды.

        Мәктәбебездән әлеге конференциядә катнашып 5 класс укучысы Фаттахова Айгөл - 2 урын (укытучысы Тазетдинова Г.Р.), 6 класс укучылары - Гараева Н. һәм    Хадиева Р. - 2 урын (укытучылары Файзрахманова Г.И. һәм Нуриева Р.Р.), 8 класс укучысы - Шаймуллина И. - лауреат (укытучысы - Муртазина Ф.С.), 9 класс укучысы - Хадиев И. һәм 10 класс укучысы - Гарафутдинов Р.  - 1 урын (укытучылары Хадиева Р.Р.)   матур нәтиҗәләр белән кайттылар. Алга таба да укучыларга да, укытучыларга да уңышлар телибез. Яңа Кенәр мәктәбенә зур рәхмәтебезне белдерәбез.

4 апрель көнне Арча педагогия көллиятендә Россиядә экология елына багышланган !"Наука и мы" дип исемләнгән Х муниципаль фәнни-практик конференция булып узды. Бу конференциядә мәктәбебезнең 8 класс укучысы Шаймуллина Илүзә Экология һәм физик культура бүлегендә катнашып 1 дәрәңәле диплом белән бүләкләнде(укытучысы Вафина Г.Р.).Аны шушы җиңүе белән котлыйбыз.

   Сәламәт яшәү рәвешен пропагандалау максатыннан һәм "Самостоятельные дети" проекты кысаларында укучылар бүген "Будь готов! Скажи нет!" акциясен уздырды. Авылыбызның үзәк урамында яшьләргә һәм апа-абыйларга "Син законны беләсеңме?" дигән викторина үткәрделәр. Наркотик матдәләрне кулланган өчен генә түгел, тараткан,саклаган һ.б.  өчен  җинаять җаваплылыгы каралганын җиткерделәр, наркотик матдәләр куллануның нинди аяныч хәлгә китерүе хакында информация белән таныштырдылар.

     1 апрель - Кошлар көне уңаеннан һәм 2017 ел -Экология елы кысаларында 5-7 класс укучылары  өчен Кошлар көне үткәрелде. Биология укытучылары Самигуллина Ч.М. һәм Хадиева Р.Р. укучыларны һәр елдагыча зур әзерлек белән Кошлар мәҗлесенә җыйды. Бәйрәмгә укучылар үз күчтәнәчләре белән килгән иде: кошлар турында матур җырлар, шигырьләр, укучыларыбызның кечкенә тикшеренү эшләре, җимлекләр, сыерчык оялары , үз куллары белән ясалган видеороликлар кичәне тагын да матурайтты. Укучылар кошлар турында үз белемнәрен сынадылар, барладылар, күп кенә яңа мәгълүматлар белән таныштылар.

          31 март көнне 11 класста ата-аналар җыелышы булды . Җыелышта  укучыларның БДИ га  әзерлек мәсьәләләре сөйләшенде.    Әти-әниләргә психологик консультация үткәрелде.

Шекә башлангыч мәктәбендә Нәүрүз бәйрәме ел да күңелле итеп , авыл халкы белән бергә бәйрәм ителә. Укучылар өйдән-өйгә кереп, йорт хуҗаларын Нәүрүз белән котлап йөриләр.

Тук булсын малларыгыз.

Кәеф – сафа корыгыз.

Уйнагыз да, көлегез,

Язгы каникуллар төгәлләнде. Укучыларыбыз ялны күңелле һәм файдалы үткәреп укырга килделәр. Дүртенче чиректә дә уңышлы укырга язсын!

Язгы каникуллар дәвам итә. Башлангыч класс укучылары бүген мәктәбебезнең спорт залында күңелле уеннар уйнарга җыйналды.  Бергә-бергә укырга да, уйнарга да күңелле. 

        24, 25 март көннәрендә Яр Чаллы шәһәрендә "Класс җитәкчесе-2017" конкурсының йомгаклау этабы  булды. Конкурста безнең мәктәпнең 6 класс җитәкчесе Файзрахманова Г.И. уңышлы чыгыш ясады һәм финалист дипломы белән бүләкләнде.   Гөлназ Ильясовнаны шушы зур җиңүе белән чын күңелебездән котлыйбыз!   Иҗади потенциал , саулык- сәламәтлек, күңел тынычылыгы, уңышлар телибез!!!   Гөлназ Ильясовна, без Сезнең белән горурланабыз!!! 

18 март көнне Шушмабаш урта мәктәбендә РТ экономика министрлыгының Арча зонасы бүлекчәсе “Эшмәкәрлеккә ярдәм итү” үзәге, Шушмабаш урта мәктәбе, Шушмабаш авыл җирлеге һәм “Северный” авыл хуҗалыгы предприятисе тарафыннан очрашу үткәрелде.Ул яшьләрне авылда калдыру һәм аларга үз эшләрен ачып җибәрүне аңлату максатыннан оештырылды. Анда Шушмабаш авыл җирлегендә яшәүче укучылар, эшмәкәрләр, яшьләр катнашты. Җыелышны районның “Эшмәкәрлеккә ярдәм итү” үзәге җитәкчесе Сафиуллина Лилия Рафаилевна ачты. Ул эшмәкәрләр өчен дәүләт булыша торган программалар, кечкенә займнар турында аңлатты. Ул яшьләрне үз эшләрен башлап җибәрүдән курыкмаска, дәүләтнең һәрвакыт аларга ярдәм итәчәген искәртте. “Северный” АХП нән кадрлар бүлеге җитәкчесе Кәримова Л. Р. сөйләде. Ул килешү төзеп авыл хуҗалыгы өлкәсе буенча укыган яшь белгечләргә ай саен ун меңгә кадәр өстәмә стипендия биреп барылуын, шушы өлкәдә эшләгән яшь семьяларга йорт җиткергәндә АХП ның акчалата булышуын җиткерде.Үзләренең язмышын авыл хуҗалыгы белән бәйләргә теләге булган укучылар өчен өстенлекле программа турында аңлатты. Мондый укучылар белән АХП арасында килешүне бүген үк төзү мөмкинлеге бар. Шушмабаш авыл җирлеге рәисе Сәгыйтов В. В. җирлектә яшәп, үз эшләрен башлаучылар белән таныштырды.Сүзне камыр ризыклары пешерү цехы җитәкчесе Вәлиева Н.Г. дәвам итте. Ул бүгенге көндәге уңышлары, бу юнәлешнең нечкәлекләре турында сөйләде. Эшмәкәр Камалов А. И. йөк ташу белән шөгыльләнә башлаган. Ул бу юнәлешкә әле яңа гына кереп киткән, лизинг системасы буенча йөк машиналары алып, кулланучыларга хезмәт күрсәтә. Эшмәкәрләр яшьләргә үз киңәшләрен бирделәр. Укучылар, авыл яшьләре үзләрен кызыксындырган сорауларга җаваплар алдылар. Килгән һәр кеше бу очрашудан бик канәгать калды.