Бөек Җиңүнең 75 еллыгына әзерлек кысаларында, мәктәп укучылары һәм укытучылары сугыш чоры балалары,  тыл  ветераннары турында мәгълүматларны тулыландыру максатыннан, очрашуларга йориләр. Безнең Иске Кырлай мәктәбе территориясенә караган Иске Кырлай, Әзәк,Өтнә авылларында  барысы 6 тыл ветераны яши: Акберов Минсабир Галимзянович,Гарифуллина Кафия Юнысовна,Мукаева Салима Салихзяновна,Файзуллин Нурулла Шагидуллович,Хасаншина Фатыма Файзиевна,Шарипова Зиляфруз Гиззатулловна. Аларның сафлары да көннән - көн сирәгәя бара. 2020 нче елга аяк баскач кына да,  2 ветераныбыз  арабыздан китеп  барды. Аларның күргән авырлыклары,  кичергән михнәтләре сөйләп бетергесез.Сугыш чоры һәркемнең күңеленә тирән эз калдырды. Ризыкка, киемгә сакчыл караш, кешеләргә карата кызгану,  булышырга теләү хисе тәрбияләде.Кайсы белән генә аралашсак та, барысы да  беравыздан: "Без күргәнне күрергә язмасын иде сезгә. Сугышлар булмасын, тынычлыкта яшәгез. Белем алырга тырышыгыз. Кечкенәдән эшкә өйрәнегез, эш белгән кеше, беркайчан да югалмый" - дип телиләр.