Яз — бакчачылар өчен бик җаваплы чор. Һәр эшне вакытында һәм җиренә җиткереп башкарсаң гына мул уңыш алачаксың. Яз җитү белән мәктәп яны участогында эш кайный башлый. 12 нче май көнне мәктәп бакчасында  укучылар, укытучылар һәм техник хезмәткәрләр бик тырышып эшләде. Җирне казып, йомшартып яшелчәләр,чәчәкләр  утыртылды.

2023нче ел Россиядә - Укытучылар һәм остазлар елы дип игълан ителгән иде. Әлеге елның үз символы бар. Аның үзәгендә Пеликан кош тора. Ул буыннар бәйләнешен, белем бирүдәге бай традицияләрне гәүдәләндерә. 

Шушы ел уңаеннан Иске Кырлай мәдәният йорты һәм Иске Кырлай китапханәсе  берлектә укытучылар өчен "Сез иң гүзәл кеше икәнсез..." дип аталган бәйрәм чарасы оештырдылар. Бәйрәмгә ветеран укытучылар да чакырылган иде. Аларны котлап истәлекле бүләкләр тапшырылды. 

Бәйрәм чарасы җыр, бию,шигырьләр белән аралаштырылып барды. Бәйрәмнең икенче өлешендә мәктәп укучылары катнашында әзерләнгән  Г. Камалның "Бүләк өчен" дип исемләнгән спектаклен күрсәттеләр. 

Бәйрәм оешкан төстә һәм бик күңелле үтте. Соңыннан бөтен кеше бергә фотога төштек. Бөтен кеше дә уңай энергия алып, шат күңел белән таралышты. Шундый күҗелле ял чарасыоештырган Айсинә һәм Венера апайга рәхмәт!

Җиңү көне — бу дөньяның яңадан туган көне

Җиңү көне!

Халык бәйрәм итә.

Яз төренгән янар комачка.

Җир чәчәкләр тезгән күкрәгенә,

Йөз балкытып карый кояш та.

 Җиңү көне! Халкыбыз өчен иң зур бәйрәмне быелгы яз 78 нче тапкыр бүләк итә. 

Иске Кырлай авыл җирлегендә  Бөек Җиңүнең- 78 еллыгы уңаеннан обелиск янында митинг узды.Митингка тыл ветераннары, сугыш чоры балалары чакырылды. Мәктәп укучылары "Тыныч булсын күгебез" исеме стында бәйрәм концерты күрсәттеләр. Авыл җирлеге башлыгы Фәргать Нуриязданович барлык кешене бәйрәм белән котлады. Сугыш кырында ятып калган батырларны бер минутлык тынлык игьлан итеп аларны искә алдык.Тыл ветераннары обелискка  венок куйдылар

9 Мая — священная и дорогая для каждого из нас дата, которую мы встречаем с особыми чувствами. Мы всегда будем чтить подвиг всех, кто героически сражался на фронтах Великой Отечественной, трудился в тылу, восстанавливал страну в послевоенные годы. Мужество, стойкость и самоотверженность поколения победителей живет в нашей памяти.  Каждый год в нашей деревне проходит мининг  посвещенное к Дню Победы с возложением венка на обелиск, которое сопровождается военными песнями и стихами. Для этого в школе изготавливаем венок из подручных материалов с использованием цветов для украшения.

В канун праздника Дня Победы наша школа активно участвует во Всероссийской акции «Окна Победы». Ученики тем самым выражают благодарность всем тем, кто подарил нам мирное небо.

Бүген мәктәптә   шагыйрь Габдулла Тукайга багышланган    тагы бер  чара узды.  Габдулла Тукай әсәрләре аша туган телгә, туган якка мәхәббәт тәрбияләү, әхлак тәрбиясе бирү максатыннан сыйныфлар арасында Габдулла Тукай әсәрләрен сәхнәләштерү буенча бәйге оештырылды. . Укучылар шагыйрьнең "Су анасы", "Шүрәле", "Кызыклы шәкерт", "Эш беткәч уйнарга ярый", "Кәҗә белән сарык" исемле әсәрләрен сәхнәләштерделәр. Молодцы!

Арча районында “Тукай марафоны-2023” үтте.   Ел саен оештырылып килүче спорт бәйрәме быел да Габдулла Тукайга багышлап, аның туган көнендә уздырылды. Тарихка күз салсак, әлеге ярышлар 1979 елдан бирле оештырылып килә. Аны башлап җибәрүчеләр булып ветеран спортчылар Ленар Заһидуллин һәм Барый Бакиров тора. 
Быелгы “Тукай марафоны”на старт бирелгәнче, Арча районы башлыгы Илшат Нуриев барлык катнашучыларны сәламләп уңышлар теләде.“Биредә җыелган һәркемне бүгенге бәйрәм белән котлыйм. Әлеге марафонда катнашучылар санының ел саен артып торуы куандыра. Бүген Тукай көне. Бәйрәмебезне дә татарча алып барыйк. Татар телен сакларга түгел, татар телендә сөйләшергә кирәк”, - диде ул. Арча, Саба, Кукмара, Балтач районнары, Казан шәһәре, Мари иле республикасыннан һәм Киров өлкәсеннән килгән 200дән артык катнашучы җитезлектә көч сынашты. 
Яшь аермасына карап, катнашучылар 7, 11 һәм 24 км ераклыкка йөгерделәр. 13-14 яшьлек балалар Иске Иябаштан Кырлайга кадәр араны узса, Әзәк авылыннан Яңа Кырлайга кадәрге чакрымнарны 15-17 яшьлек яшүсмерләр йөгерде. 18 яшьтән өлкәнрәкләр Арча-Кырлай арасын узды.
Спортчылар арасында иң яшь катнашучы Ташкичү мәктәбеннән Риналь Нигъмәтҗанов, иң өлкән катнашучылар Арчадан Фәрит Хәлилов һәм Фәридә Нәкыйпова иде. Билгеләнгән вакытта Арча мәдәният йорты каршыннан район башлыгы тарафыннан марафонга старт бирелде. Юлда берничә урында йөгерешчеләргә су тәкъдим иттеләр, көчләре җитмәсен аңлаганнар, үзләрен начар хис иткәннәр йөгерүдән туктап, автобуска утыра алды. Ул очракта алар йөгерештән төшеп кала иде. Тик һәркем финишка кадәр барып җитәргә омтылды.