Башлангыч мәктәп-балалар бакчасының методик берләшмә планы нигезендә, ачык дәресләр һәм шөгыльләр күрсәтү дәвам итә. Бүген тәрбияче Әсхәдуллина М.Ф. кечкенәләр төркемендә "Әминәдә кунакта" темасына сөйләм телен үстерү буенча эшчәнлек үткәрде. Эшчәнлек барышында тәрбияче нәниләрне Әминә исемле кыз янына кунакка алып барды. Балалар Әминәнең уенчыклары белән сөйләм үстерүгә юнәлтелгән төрле уеннар уйнадылар. Эшчәнлекнең тәрбияви моментлары да күп булды: балалар кунакта үзләрен әдәпле тотарга, уйнаган уенчыкларын тәртипләп урнаштырырга өйрәнделәр. 

Бүген башлангыч мәктәп-балалар бакчасында ачык дәресләр,шөгыльләр старт алды. Беренче ачык дәресне методик берләшмә җитәкчесе, башлангыч сыйныфлар укытучысы Галәүтдинова И.Р. үткәрде. Ул 2нче сыйныфта әдәби уку, 4 нче сыйныфта татар теле дәресләре бирде.  Дәрестәге эшчәнлекнең төрлелеге, укучыларның активлыгы - укытучының дәрескә җитди әзерлеген расладылар. 

Иртәнге линейкада мәктәпкүләм ярыш һәм конкурсларда җиңүче һәм призер булган укучылар бүләкләнде.

Полиция хезмәткәре укучылар белән тәрбияви профилактик әңгәмә үткәрде.

Полиция хезмәткәре Хисамиев Л.А. беренче сыйныф укучысына яктылык кайтаргыч элементлар җыелмасын бүләк итте, юлда йөрү кагыйдәләрен искә төшерде

Балалар бакчасында тәрбияләнүче нәниләр өчен авыл китапханәсендә "Минем яраткан Татарстаным!" исемле төбэк сәгате узды. Китапханәче Сабиҗанова Р.Н. балаларга Республикабызның президенты, матур истәлекле урыннары, башкаласы Казан турында сөйләде. "Мавыктыргыч Татарстан" китабы белән таныштырды.

4 нче сыйныф укучылары олимпиадаларның муниципаль этабына әзерләнәләр.

Пешәнгер мәктәбе командасы, Арча шәһәрендә уздырылган шәхси-команда шашка ярышларының 4 нче этабында уңышлы чыгыш ясап, 2 нче урынга лаек булды. 

Беренче чирек нәтиҗәләре буенча әти-әниләр җыелышы булып үтте. Әлеге җыелыш һәрбер әти-әнигә индивидуаль консультация бирү итеп оештырылган иде.