Кышкы саф һавада уйнау физик сәламәтлек өчен генә түгел, күңел күтәренкелеге өчен дә бик файдалы. Чаңгыда, чанада шуу, кар бабай ясау, бер-береңә кар түмгәкләре ыргытып уйнау һәм башка төрле уеннар балаларга шатлык, энергия, бәхет өсти. 

Укучыларның кышкы каникуллары күңелле үтә.

Чанада да шуабыз,

Чаңгыда да шуабыз.

Тимераякта очабыз,

Чыжлап тора шома боз.

Тауларга да барабыз,

Кырларга да чыгабыз.

Кар-буран дип тормыйбыз,

Шуабыз да шуабыз.

Шашка-шахмат буенча профсоюз зона ярышларында безнең мәктәп-балалар бакчасының педагогик хезмәткәрләре матур уен күрсәттеләр. Магсумова Г.Х. - 1 урынга, Котдусова Г.М 2нче урынга лаек булды. Котлыйбыз!

Бүген Пешәнгер авылы мәдәният йортында балалар бакчасында тәрбияләнүче нәниләребезнең  "Яңа ел әкияте" дип исемләнгән бәйрәм иртәсе булып үтте. Нәниләр үзләренең нәфис сүзгә, җыр-биюгә осталыкларын күрсәттеләр.Әти-әниләр, авыл халкы, сокланып, балаларның чыгышларын тамаша кылдылар.  

Арча район башлыгының сәләтле укучылар өчен оештырылган Чыршы бәйрәмендә безнең мәктәпнең 4 нче сыйныф укучылары Фазуллина И.Л. һәм Гайнетдинов И.Р. да катнашты. 

Бүген Пешәнгер авылы клубында мәктәп укучылары һәм укытучылар әти-әниләргә, авыл халкына "Кыш бабай йортындагы маҗаралар" дип исемләнгән әкият-тамаша күрсәттеләр. 

Пешәнгер балалар бакчасында тәрбияләнүче балалар әти-әниләре белән берлектә "Кышкы фантазия" конкурсында актив катнаштылар.

Укытучылырыбыз һәм 4нче сыйныф укучысы Гайнетдинов И.Р. (җитәкчесе Галәүтдинова И.Р.) Яңа Кенәр урта мәктәбе базасында "Бәхет биргән туган җирем" исеме астында үткән төбәкара фәнни-гамәли конференциядэ канаштылар, уңышлы чыгыш ясадылар.