Бүген мәктәбебездә зур бәйрәм – белем бәйрәме булды. Кулларына матур чәчәк букетлары тоткан укучылар күп яллардан соң сагынып мәктәпкә килделәр. Бу бәйрәмне тәүге тапкыр 1 нче сыйныфка аяк атлаучы балалардан да артык көтүче булмагандыр. Алар кешенең гомерендә бер генә була торган мизгелләр кичерделәр. Алар чын укучылар булдылар. Иң кайнар котлау сүзләре дә алар хөрмәтенә яңгырады. Бу нәни укучыларның киләчәкләре матур булсын, мәктәп еллары күңелле дә, файдалы да үтсеннәр.
Хөрмәтле укытучылар, әти-әниләр, укучылар! Сезне бүгенге Белем көне – Беренче кыңгырау бәйрәме белән котлыйбыз. Әлеге уку елы күңелле вакыйгаларга һәм иҗади ачышларга бай булсын иде. Мәктәп тормышыгыз эчтәлекле һәм мавыктыргыч узсын. Укытучыларга - һөнәри уңышлар, зирәклек, укучыларының мәхәббәт һәм хөрмәтен яулауларын, балаларга – эш сөючәнлек, максатка ирешүдә үҗәтлек, бик яхшы билгеләр, әти-әниләргә – сабырлык, балаларының аларны үз уңышлары һәм җиңүләре белән шатландырып торуларын телибез. Барлык хыялларыгыз да чынга ашсын, бәхет, нык сәламәтлек, чиксез көч-куәт, үз-үзегезгә ышаныч һәм тормыш оптимизмы юлдаш булсын!