Бүген балалар бакчасында Масленица (Май чабу) бәйрәме үткәрелде. Балалар төрле уеннар уйнадылар, җырладылар, биеделәр, күңел ачтылар. Ахырдан беленнәр, калачлар, конфетлар белән бик тәмләп чәй эчтеләр. Балаларга бәйрәм бик ошады.

"Масленица"(май чабу) - шундый исем астында мәктәптә башлангыч сыйныф укучылары белән уен программасы узды. Балалар Масленица атналыгының hәр көне исемнәре белән таныштылар, Масленица бәйрәме традицияләре турында мәгълүмат алдылар. Бәйрәмдә балалар төрле-төрле уеннар уйнадылар, ахырдан коймак белән чәй эчтеләр. Чара бик күңелле һәм актив узды.
"Масленица" - под таким названием прошла игровая программа в школе с воспитанниками школы. Мероприятие прошло весело и активно.

27 нче февральдә 1-4  сыйныфларда "Мөһим нәрсәләр турында сөйләшү"циклының чираттагы дәресе узды. Дәрес "Традицион гаилә кыйммәтләре"дип аталды.Дәреснең максат: илебездәге традицион гаилә кыйммәтләрен популярлаштыру, гаилә һәм никах институтын ныгыту, буыннар дәвамчанлыгы, гаиләдә үзара ихтирам һәм ярдәмчелек булдыру.

Пешәнгәр башлангыч мәктәбе-балалар бакчасы укучылары 23 февраль - Ватанны саклаучылар көне уңаеннан әтиләренә бүләкләр әзерләүдә катнаштылар. Иң зур бүләк - үз кулың белән ясаганы. Укучыларыбыз да күңел җылысын салып бүләк ясадылар.

Гражданлык-патриотик тәрбия айлыгы кысаларында мәктәп янындагы һәйкәлгә венок салдык һәм һәлак булучыларны 1минут тынлык белән искә алдык.

Бүген - 21 нче февраль. Һәр милләт, һәр халык өчен бәйрәм көн – Халыкара туган тел көне. Бу көн 2000 нче елда ЮНЕСКО карары нигезендә билгеләп үтелә башлады. Бүген дөнья халыклары 6 мең телдә сөйләшә. Һәркем өчен дөньядагы иң кадерлесе – беренче сөйләшә башлаган ана теле. Халыкара туган тел көнендә барлык телләр дә, тигез дип таныла, чөнки аларның һәркайсы кеше язмышы өчен җавап бирә һәм без аны сакларга тиешбез. ​ Мәктәп-бакчабызда "Халыкара туган тел" көнен билгеләп уздык.

Халыкара туган тел көне уңаеннан​ укучыларыбыз​ белән татар халкының милли җырлы-биюле уеннарын, кабат яңартып, уйнадык.

21 февраль - Халыкара туган тел көне уңаеннан уздырылган "Туган телем – серле гөлем" районкүләм иҗат ​ бәйгесендә 2 урын яулаган укучыбыз Сәләхова Аишаны котлыйбыз. Аңа иҗади уңышлар телибез!

Бүген балалар  бакчасында   туган  тел  көненә багышланган  бик  матур  бәйрәм булды. Бу   бәйрәмнең  максаты  татар  теленә  карата  кызыксыну  уяту, татар халык уеннары  турында  белемнәрен арттыру, милләтебез, туган телебез  татар  теле  белән  горурлану хисләре тәрбияләү  иде. Балалар  туган  тел  турында  шигырьләр  тыңладылар, төрле уеннар  уйнадылар. Бәйрәмебезне татар  халкының  бөек  шагыйре  Г. Тукаебызның "Туган  тел" җыры  белән  тәмамладык.

Бүген мәктәп-балалар бакчабызда Әфганстанда һәлак булган авылдашыбыз Васил Аглуллин истәлегенә багышлап Татарстан районнарының башлангыч сыйныф укучылары арасында регионара "Төньяк балкыш" рус шашкасы турниры булып узды.