Бүген беренче сыйныф укучыларының Әлифба бәйрәмнәре булып узды. Укучыларыбыз кыска гына вакыт эчендә генә укырга да, язарга да, яңа һөнәрләр үзләштерергә дә өлгергәннәр. Бүген алар бәйрәмдә үзләренең бар яктан да сәләтле булуларын тагын бер кат дәлилләп күрсәттеләр. Аларга укуларында уңышлар телибез!

Саннарны да таныйбыз

Исәпли дә беләбез.

Кечкенәдән зурга таба

Предметлар тезәбез.

Уңны сулны аерабыз,

Асны, өсне беләбез.

Каршылыкларны җиңеп,

Яңа үрләр үтәбез.

Бүген мәктәп-бакчабызда "Әти җирдә иң шәп кеше!" бәйгесе булып узды. Әтиләр 2 командага бүленеп җитезлек, тырышлык һәм зирәклек буенча көч сынаштылар. Ә балалар бакчасына йөрүче нәниләребез һәм укучыларыбыз аларга үз һөнәрләрен күрсәттеләр.

Учи.ру сайтында 1-4 сыйныф укучылары өчен "Заврики" онлайн-олимпиадасы башлана. Олимпиаданың төп туры 19 февральдән 4 мартка кадәр. Олимпиадада барлык укучыларга да уңышлар телибез!

Бүген мәктәбебездә  Әфганчыларыбызны искә алу кичәсе булып узды. Әфган сугышында катнашкан авылдашларыбыз турында укучыларыбыз белән альбомнар карадык,  сугыш кырында һәлак булучы авылдашыбыз Васыйл Әһлиуллинны искә алдык һәм аның турында презентация күрсәтелде.

Бүген патриотик шагыйребез Муса Җәлилнең туган көнен билгеләп уздык. Аның тормыш һәм иҗат юлы турында класс сәгатьләре үткәрелде. Укучыларыбыз Муса Җәлилнең шигырьләрен сәнгатьле итеп сөйләделәр. 

Алсу курчагыбызга диеп,

Тәлинкәләр бизәдек.

Тырышып ябыштырдык, 

"Нәниләр без", -димәдек.

Математика шөгылендә

Саныйбыз, исәплибез.

Төрле фигуралар белән

Рәсемнәр дә ясыйбыз.

Бүген укучыларыбыз белән Фәнис Яруллинның тормышы, иҗаты һәм әсәрләре белән таныштык. Укучыларыбыз аның шигырьләрен яттан сөйләделәр.