Максат: 10 га кадәр булган саннарны 1 гә киметү һәм арттыру күнекмәләрен ныгыту. Вакыт төшенчәсе белән таныштыру. 5 минутның никадәр вакыт булуын ачыклау. Шакмаклы дәфтәр битендә эшләү күнекмәләрен ныгыту, предметларның формаларын билгели белергә өйрәтү.

Максат: балалар белән Яңа ел бәйрәмен күз алдына китерү, нинди кунаклар булуын ачыклау. Кыш бабай һәм Кар кызын пластинография ысулы белән ясарга өйрәнү. Чиста-пөхтә эшләүләренә ирешү, балаларда җаваплылык, мөстәкыйльлек тәрбияләү. Яңа ел бәйрәменә әзерләнүне дәвам итү.

Максат: Балаларга кышкы күренеш ясарга тәкъдим итү, табигатьнең кышкы матурлыгына соклану уяту. Төсләрне дөрес сайлый һәм бер төстән икенче төс китереп чыгарырга өйрәтүне дәвам итү. Рәсемне чиста, пөхтә ясауларына ирешү. Акварель белән дөрес эшләү күнекмәләрен  ныгыту.

Бакчабызда 1 - 20 декабрьгә кадәр "Иң матур чыршы уенчыгы" на конкурс игълан иткән идек. Балалар әти-әниләре белән берлектә конкурста катнашуларын дәвам итәләр. Һәркемнең уенчыгы зур осталык һәм тырышлык белән эшләнгән. Эшләр кабул ителеп беткәннән соң, җиңүчеләрне ачыклаячакбыз.

Балалар тәрбияче апалары белән төрле конкурсларда актив катнашалар. Солтанов Рәмзил сертификат белән бүләкләнде. Алдагы көннәрдә дә җиңүчеләрнең кемнәр булуын көтәбез.

Максат: балаларда кызыксыну уяту, табигатькә сак караш, экологик бәйләнешләрне күрә белү сыйфаты тәрбияләү. Чагыштырып тасвирлый белү күнекмәләрен үстерү. Балаларның кыш, кар үзенчәлекләре турында белемнәрен баету. Бирелгән сораулар аша диалогик сөйләм формаларын камилләштерү. Үзара дустанә мөнәсәбәт тәрбияләү, тыңлый белү күнекмәләрен булдыру.

Максат: балаларда мөстәкыйльлек, җаваплылык, бер-береңә ярдәм итү, иптәшлек-дуслык хисләре тәрбияләү. Пазллар төзеп уйнау балаларның фикерләү, күреп хәтердә калдыру, кул чукларының хәрәкәтчәнлеген үстерүгә зур ярдәм итә.

Максат: балаларны һәр елның үз исеме - символы булуы белән таныштыру. Киләчәк -  2016 нчы елның маймыл елы булачагын хәбәр итү. Балалар белән Яңа елның символы булган маймылны  төсле кәгазьләрдән кисеп ясау. Балаларда мөстәкыйллек, бирелгән эшкә җаваплы караш тәрбияләү. Чиста-пөхтә эшләргә өйрәтү.

Максат: Балаларда урамда игътибарлылык һәм транспорт хезмәткәрләренә карата игътибар тәрбияләү. Транспорт турындагы күзаллауларны киңәйтү, фикерләү сәләтен үстерү. Балаларның юл йөрү кагыйдәләре турындагы белемнәрен ныгыту. Юл билгеләрен аера белү, юлда хәвефсезлек кагыйдәләрен өйрәнүне дәвам итү.

 Барлык ел фасыллары да үзенчә матур. Без, аеруча кышны бик яратабыз. Чөнки, урамда табигать шундый матур. Аяк астында ап-ак кар ята, саф һава. Таудан чана, чаңгы шуарга була. Бүген безнең балаларыбыз да кыш темасына күмәк аппликация ясадылар. Соңыннан бергәләшеп фотога да төштеләр. Менә ничек матур килеп чыккан һәм  күңелле дә икән, бергәләп эшләгәч.