Максат: [М] авазы һәм М хәрефе белән таныштыру, капма-каршы мәгънәдәге сузләрне-антонимнарны сөйләмдә кулланырга өйрәтү. Җөмлә төшенчәсе белән таныштыру. Игътибарлылык, мөстәкыйльлек, җаваплылык хисләре тәрбияләү.

Уеннар – милләтнең бай рухи хәзинәсе ул. Ерак заманнарда яшәгән бабаларыбыз да дөньяга карашларын,

тормыш-көнкүрешләрен үзләренә сеңдереп, саклап килгәннәр. Без дә бакчабызда балаларны

татар халык уеннары, аларның үзенчәлекләре, кагыйдәләре белән якыннан даими таныштырып торабыз.

Нәниләр уеннарны яратып, теләп уйнылар.

Бакчабызда балаларның сәламәтлеген саклауга даими рәвештә төрле чаралар үткәрелеп тора. Көн саен иртәнге гимнастик күнегүләр эшләнелә. Тәрбияче күнегүләр эшләткәндә һәр баланың төгәл эшли алуларына зур игътибар бирә.Балалар күнегүләрне яратып башкаралар.

 Бакчада Г.Тукайны белмәгән бала юк. Ел саен апрель ае Тукай, шигырь айлыгы булып үтә. Ә быел, Г.Тукайның тууына - 130 ел тулу уңаеннан, аңа әзерлек эшләрен, без, сентябрьдән үк башладык. Аның иҗатына багышлап, почмак булдырдык.

Май аенда, бакчада, Бөек Җиңүнең 70 еллыгы уңаеннан "Чал чәчләрдә узган гасыр кайтавазы" исеме астында конкурс игълан ителде. Конкурста балалар һәм әти-әниләр сугыш чоры, сугыштан соңгы чорда яшәгән әби-бабайлары турында язарга һәм бергә төшкән фотоларын алып килергә тиешләр иде. Конкурста бик теләп катнашучылар да, җиңел генә караучылар да булды. Катнашкан балалар һәм әти әниләр май аенда ук дипломнар, истәлекле бүләкләр белән бүләкләнделәр.

Шушы көннәрдә, әлеге язмаларны берләштереп, "Чал чәчләрдә узган гасыр кайтавазы" исемле альбом дөнья күрде.

Бакчада балалар белән "Сөйкемле Шүрәле"  бәйгесе үтте.

 Көзне кем генә яратмый?! Безнең балалар да көзне бик яраталар. Көзге табигатьтә йөриләр, көз турында рәсемнәр, аппликацияләр ясыйлар, шигырьләр, җырлар өйрәнәләр. Узган атнада булып узган конкурста катнашу моның бер дәлиле. "Көзге калейдоскоп" конкурсында актив катнашкан өчен балалар бакчасын диплом белән бүләкләделәр. Балалар моңа бик сөенделәр.

 Быел безнең балалар бакчасын, Мәгариф идарәсе тарафыннан, "Дәүләт түләүләрен түләү" буенча иң яхшы нәтиҗәләр күрсәткән өчен грамота һәм принтер белән бүләкләделәр. Бу бүләкләргә без бик сөендек. Мәгариф идарәсе хезмәткәрләренә, җитәкчесе Зөлфәт Миннефаровичка олы рәхмәтебезне җиткерәбез.

 Иң гади математик күзаллау формалаштыру - танып-белү үсеше өлкәсенә керә. Тәрбияче балалар белән  бу өлкәдә бик актив эш алып бара. Саннар, фигуралар, кушу, алу белән беррәттән бала төсләр сайларга, күчереп ясый белергә, фигураларны дәвам итә белергә, буяу ысулларын белергә тиеш. Өстәмә карточкалар балаларга шушы күнекмәләрне үстерү өчен бирелә.

Быел Бөек татар шагыйре Габдулла Тукайның тууына - 130 ел. Шушы уңайдан бакчада педагоглар, әти-әниләр һәм балалар белән үткәрелүче чаралар планы төзелеп куелды. Һәр өлкәдә Тукай иҗатын яктыртырга тырышабыз. Бүген балалар, тәрбияче Гөлүсә апалары белән, Г.Тукай әсәрләренең персонажларын әвәләп ясадылар. Эшләнелгән эшләргә нәтиҗәләр ясалды. Балаларга бик ошады.