Максат: бүген безгә кунакка "Күчтәнәч" тапшыруыннан дәү әни һәм Актырнак килде. Дәү әнигә һәм Актырнакка балалар үзләренең һөнәрләрен күрсәттеләр. Алар җырладылар, шигырьләр сөйләделәр. Балаларга тапшыру бик ошады, күңелле булды.

Максат: төсле кәгазьдән кышлаучы кошларны кисеп ябыштыру. Кайчы һәм клей белән сак эш итүне искә төшерү. Кошларга карата мәрхәмәтлелек, аларны сакларга һәм кешеләргә файдалары турында өйрәтү. Бәйләнешле сөйләм телен үстерү.

Максат: математика фәненә кызыксыну уяту, тәртип буенча 10 га кадәр санау, атна көннәренең исемнәре һәм эзлекле тәртибе буенча әйтүдә күнектерү. Саннарны танырга өйрәтүне дәвам итү.

Максат: Ё хәрефе белән таныштыру, өч сүзле җөмләләр төзү өстендә эшләүне дәвам итү. Иҗади сөйләмне үстерүдә уен алымнары куллану. Төрле юллар белән Ё хәрефен ясау (таякчыклар һәм вак төймәләр кәгазь һәм кайчы ярдәмендә).

"Туганын тап" уены. Максат: бирелгән сүзгә шундый ук билгеләре булган сүзләр уйлап тап. Мәсәлән: чыршы. Чыршы һәм крокодил - икесе дә яшел. Чыршы һәм керпе - икесе дә энәле...

Максат: бакчага йөрүче балаларның аң-белем дәрәҗәләренең үсеше һәрдаим күзәтеп барыла, балаларның зирәклеге, фикерли белү, уен оештыру һәм башка  сәләтләре күзәтелә.

Бүген бездә Сикертән мәктәбенең башлангыч класс укучылары белән берлектә "Дуслык күпере" булды. Балалар бергәләшеп, саф һавада төрле хәрәкәтле уеннар уйнадылар. Бу "Дуслык күпере" безнең арада озын гомерле булсын иде, дигән теләктә калабыз. Аларга бик зур рәхмәт. Безнең балаларыбызга бергәләп уйнау бик ошады.

Максат: балалар белән саф һавада хәрәкәтле уеннар уйнау. Балаларны кешеләрнең кышкы эшләре белән таныштыру, эшләрнең ел фасыллары белән бәйле булуын аңлату, өлкәннәр хезмәтенә мәхәббәт һәм ихтирам хисләре тәрбияләү. Балаларның әйләнә-тирә табигать турындагы белемнәрен ныгыту.

Максат: балаларга бер-берсенә ярдәм итү, дуслык-иптәшлек хисләре тәрбияләү, бәйләнешле сөйләм телен үстерү, бер-береңә хөрмәт тәрбияләү. Һөнәр ияләре белән таныштыруны дәвам итү.