Акциябез кысаларында без «Тормышның вак шатлыклары” темасына 1-11 сыйныфлар өчен беседа үткәрдек,презентацияләр күрсәттек. Алдан классларга биремнәр бирдек: дустыңны шатландырыр өчен, кулдан ясап, бүләкләр алып килергә. Бу эшебез бик уңышлы килеп чыкты: укытучыларыбызга, дусларыбызга 35 кулдан ясалган бүләк бирә алдык. Ә һәр бүләккә тормышның матурлыгы нидә икәне язылды. Бүләк ясаучы да, кабул итеп алучы да бик шат, канәгать калдылар. Шулай ук Апаз урта  мәктәбенең “iSKRa” отряды үзе белән таныштырды, проектта катнашучыларның максатлары, бурычлары әйтелде. Бу мәктәпкүләм чара итеп үткәрелде. Чарада катнашучылар җырлар җырладылар, бергә биюләр башкардылар . “iSKRa” отряды 80 буклет әзерләп таратты.