Ватанны саклаучылар көне уңаеннан "Күңелле стартлар" булып узды.
Әлеге чараның максаты: балаларда Ватанга,Ватан сакчыларына хөрмәт тәрбияләү; җитезлекне, чыдамлыкны, көчне үстерү.
Чара «Ватанны саклаучы» кем булуы турындагы әңгәмәдән башланды. Әлеге ярышта йөгерү, сикерү, туп белән бару һәм урамда кышкы уен эстафеталары белән мавыктыргыч конкурслар тәкъдим ителде. Укучылар үзләренең спорт, акыл сәләтләрен күрсәтә алдылар. "Күңелле стартлар» ның барлык этаплары киеренке рэвештэ узды. Спорт дәрте һәм үз командалары өчен җиңүгә ирешү теләге булу сокландырды. Спорт бәйрәме балаларны берләштерде, беркемне дә битараф калдырмады.