Бүген мәктәбебездә каһарман-шагыйрь Муса Җәлилнең туган көне уңаеннан “Җыр булып калган гомер“ дип исемләнгән чара узды. Кичә барышында укучылар шагыйрьнең тормыш юлы, аның тоткынлыктагы каһарманлыгы һәм мәңге үлмәс „Моабит дәфтәрләре“ турында сөйләделәр.
Чарада М. Җәлилнең патриотик шигырьләре, җырлары яңгырады, укучылар тарафыннан әзерләнгән әдәби-музыкаль композиция күрсәтелде. Бу очрашу балаларда туган илгә мәхәббәт, батырлык һәм горурлык хисләре тәрбияләүгә юнәлтелде. Шагыйрьнең исеме һәм иҗаты — безнең йөрәкләрдә!