Урамда кыш булуга карамастан, бер туңдыра, бер җылыта, әле яңгыр, әле кар ява. Шул сәбәпле барлыкка килгән бозлавык һәрберебез өчен имгәнү куркынычы тудыра. Түбәләрдә боз сөңгеләре барлыкка килә. Шушы уңайдан, бүген укучылар белән, табигатьнең уңайсыз шартларында үзебез һәм тирә-юньдәге кешеләрнең сәламәтлеген кайгырту өчен кирәкле кагыйдәләрне искә төшереп үттек. «Бозлавыкка чыкканда түбәндәге кагыйдәләрне үтәргә тырышыгыз: иң беренче чиратта ашыкмагыз. Таймый торган аяк киеме кияргә, бөтен табан белән тезләрне азрак бөгеп басарга тырышыгыз. Олы яшьтәге кешегә таяк тотып йөрергә киңәш ителә. Егыла башлаганда кул-аякларны сузмыйча, башны бәрелми торган итеп, гәүдә белән түгәрәкләнеп, аркага төшәргә тырышырга кирәк, "- дип кисәтә табиблар.