Бүген укучылар белән «Алкоголизм кешенең сәламәтлеген, рухын җимерә торган авыру» дигән темага әңгәмә үткәрдек.
Чарабызның максаты: укучыларның алкогольнең зарарлы тәэсире турында күзаллауларын киңәйтү, зарарлы гадәтләргә актив каршы тору күнекмәләрен формалаштыру, сәламәт яшәү рәвеше тәрбияләү. Балаларга алкоголизмның проблемалары җәмгыятьне борчуын һәм масштаблы зыян китерүен аңлаттык. Алкоголь үсеп килүче организмга нинди зарарлы булуын ассызыкладык: аны кулланудан баш миенең эшчәнлеге бозылу, хәтер зәгыйфьләнү, үсеш акрынаю, йокысызлык җәфалавы һәм күрү сәләте түбәнәю турында аңлаттык. Шулай ук энергетик эчемлекләренең дә кеше организмына начар тәэсир итүе турында фикер алыштык.