Террорчылык актлары турында массакүләм мәгълүмат чаралары аша еш ишетергә туры килә. Очраклы булмаган бу вакыйгалар һәркемнән икеләтә уяулыкны, игътибарлылыкны һәм саклыкны таләп итә. Бүгенге көндә "терроризм" төшенчәсе никадәр генә куркыныч булып яңгырамасын, бу сүз беребезгә дә ят түгел. Терроризм - аерым кешеләр яки төркем тарафыннан кешелеккә каршы көч кулланып эшләнелә торган иң куркыныч җинаятьләрнең берсе.
«Экстремизмга – Юк!» айлыгы кысаларында укучылар белән “Терроризмга каршы – бергәләп” дигән исем астында тәрбия сәгате үтте. Укучыларны террор төшенчәсе белән таныштырдык, көтелмәгән хәлләр килеп туганда саклану, үзләрен дөрес тоту кагыйдәләрен искә төшердек һәм саклану чаралары турында фильм карадык.