8 февраль - Россия фәне көне. Шул уңайдан укучылар белән видео дәрес карадык, бу көннең килеп чыгу тарихы белән таныштык, фикер алыштык.
    1999 елның 7 июнендә, император Петр I боерыгы буенча, 1724 елның 28 гыйнварында (яңа стиль буенча 8 февраль) Россия Фәннәр академиясе Сенаты Указы белән гамәлгә куелган.
   Россия фәннәр академиясе - космик киңлекне фундаменталь фәннәр мәнфәгатьләрендә тикшерү һәм куллану өчен төп академик институт. Төрле елларда институтны татарлар да җитәкли: Сәгъдиев Роальд Зиннур улы, Социалистик Хезмәт Герое, Ленин премиясе лауреаты, 36 яшендә СССРның иң яшь академигы була. 1932 елның 26 декабрендә туган (90 яшь), Казанда 19 нчы мәктәптә укыган, Мәскәү дәүләт университетының физика факультетында  Л.Ландау укучысы булган, Курчатовта хезмәт чыныгуы алган, РФА Себер бүлегенең атом физикасы институтында эшләгән. 1973-1988 елларда космик тикшеренүләр институтын җитәкли. Хәзерге вакытта АКШта яши.
    Галиев Альберт Әбүбәкер улы - фәнни эшчәнлекнең төп юнәлешләре - плазма физикасы, космик физика, Ленин премиясе лауреаты, 1940 елның 19 октябрендә Уфа шәһәрендә туган. Мәскәү энергетика институтына укырга керә, Новосибирск дәүләт университетына күчә. Самбо буенча Мәскәү чемпионы була. Атом физикасы институтында эшли. 28 яшендә ул СССРда иң яшь фән докторы була. 1971 елдан ул Мәскәү физика-техник институтында (МФТИ) укыта. 1973 елдан космик тикшеренүләр институтында эшли, 1988 елда аны җитәкли. Ул 2022 елның 12 сентябрендә вафат булды.
      Бүген космик тикшеренүләр институтында Хәзерге заманның иң зур астрофизигы Гыйльфанов Марат Равил улы эшли, 1962 елның 18 июлендә Казанда туган, 131 нче мәктәпне, МФТИны тәмамлаган, Зельдович, Сюняев укучысы, РФА академигы.