Мәгьлүм булганча, кошлар – Җир йөзендә иң күп таралган тереклек иясе. Хәзер аларның 9 меңгә якын төре бар. Җирдә барлыгы 100 млрд. чамасы кош яши, дип әйтә галимнәр. Россиянең иксез-чиксез киңлекләрендә 700ләп төр кош яши. Татарстанда исә җәй көннәрендә 200 дән, ә кышын 40 төрдән артык кош очратырга мөмкин.
Без бүген укучылар белән​ туган ягыбызда​ кышлаучы​ кошлар​ турында әңгәмә уздырдык. Безнең төбәгебездә яшәүче кошларга салкын кыш көннәрендә бик кыенга туры килә. Кыш айларында канатлы дусларыбызга, без, кешеләр, ярдәмгә киләбез. Аларга җимлекләр ясап эләбез, җим сибәбез. Балалар бакчасыннан ук балалар кышлаучы кошларны танырга, аларның тормышы белән кызыксынарга өйрәнәләр. Әти -әниләре ярдәме белән җимлекләр ясыйлар.
Канатлы дусларыбызны Бөтендөнья кошларны саклау көнендә генә түгел, һәрвакыт сакларга кирәк.
Кошлар табигать сакчылары!