Укучыларның  юл  йөрү  кагыйдәләре буенча  белемнәрен арттыру һәм үзләштерү дәрәҗәсен  тикшерү, балаларның игътибарлылыгын, мөстәкыйль эзләнүен, иҗади  сәләтләрен      үстерү, юл  йөрү  кагыйдәләрен  өйрәнүгә  кызыксыну  уяту,  балаларның  үзара аралашуларын яхшырту,  дуслык,  бердәмлек  хисләре  тәрбияләү максатыннан башлангыч сыйныф укучылары белән “Юлда булсаң бул өлгер, юл кагыйдәләрен яхшы бел!” дигән темага викторина үткәрдек. Укучылар викторина сорауларына тиз һәм төгәл җаваплар бирделәр. “Парын тап!”, “Кемнең хәтере яхшы” дип аталган уеннарда үзләренең көчләрен, белемнәрен сынадылар. Соңыннан үзләре әлеге тема буенча рәсем ясадылар.