Бүген укучылар белән короновирус турында әңгәмә уздырдык. Коронавирус инфекциясе – яңа төр инфекция. Ул организмга эләксә, бик тиз тарала һәм  коронавируслы үпкә ялкынсынуы китереп чыгара.
 Әлеге вирусны эләктермәс өчен түбәндәге киңәшләне үтәргә кирәк. Иң төп таләп – кулларны сабын белән еш юу. Сумкаңда спиртлы яки вируслардан зарарсызландыра торган салфеткалар булсын. Кулны юу мөмкинлеге булмаганда шуларны кулланасың. Шулай ук эш урынында, өйдә өстәл өсләрен, ишек тоткаларын, телефоннарны инфекциядән зарарсызландыра торган препарат белән (ә алар аптекаларда, махсус кибетләрдә сатыла) сөртеп, чистартып торырга кирәк. Икенче таләп. Йөткергән, төчкергән кешедән ераграк торуың хәерле. Ара кимендә 1 метр булырга тиеш. Авыру кешедән сәламәт кешегә вирус һава-тамчы юлы белән күчә. Куллар белән күзләргә, иреннәргә, борынга кагылмаска тырышыгыз. Йөткергәндә, төчкергәндә авыз, борыннарны бер тапкыр кулланыла торган салфкеткалар белән каплагыз. Кеше күп җыелган урыннарга бармаска тырышырга кирәк.
Күбрәк саф һавада булырга, йөрергә, яшелчә, җиләк-җимеш һәм аксымга бай ит, сөт, балык ризыклары, чикләвек, боткалар ашарга киңәш ителә. 
    Укучыларыбыз бу киңәшләрне хәтерләрендә сакларлар дип уйлыйбыз. Авырмыйча, сау-сәламәт булып яшик!