Бүген, 5 нче сентябрьда, "Мөһим сөйләшү" ("Разговор о важном") класс сәгате старт алды. Укучылар белән "Россия - мөмкинлекләр иле" дип аталган видео карадык. Анда Россиянең төрле өлкәләреннән булган укучылар олимпиадаларда, конкурсларда җиңү яулаулары, уңышларга ирешү серләрен сөйләделәр. Укучылар грантлар оталар, аларга төрле югары уку йортына керү мөмкинлеге тудырыла. Фән, сәнгать, бизнес белән кызыксынып конкурсларда катнашучы, волонтёр булып уңышка ирешүче укучылар бар икән. Иң мөһиме - теләк, омтылыш, сәләт кирәк. Укучыларыбыз да бу турыда фикер алыштылар.