Тимер юл транспортында сәяхәт итү бик күңелле. Ләкин шул ук вакытта бик куркыныч та. Күпчелек бәхетсезлек очраклары гражданнарның тимер юл транспортының югары дәрәҗәдә куркыныч булган зоналарында үзеңне тоту кагыйдәләрен үтәмәүләре аркасында килеп чыга.
Исегезгә төшерәбез, тимер юл - куркынычлык дәрәҗәсе югары булган транспорт объекты. Тимер юл аркылы тиешле урыннарда да гына чыгарга кирәк һәм хәрәкәт итүче поезд алдыннан йөгереп чыгарга ярамый. Вагоннарга менүнең дә куркынычлы булуын онытмаска кирәк, контактлы линияләрдә ток көчәнеше 25 мең вольт тәшкил итә. Йөк поездларында, вагоннар аралыкларында, түбәләрдә һәм поезд баскычларында хәрәкәт итү тоела. Балаларга тимер юл янында уйнау рөхсәт ителми.
Шулай ук поезд тулысынча туктаган очракта гына вагонга керергә яисә аннан чыгарга мөмкин икәнлеген истә тотарга кирәк.
Бала чакта алган белем һәм күнекмәләр яхшы үзләштерелә, тиз генә онытылмый, гомер буе саклана. Балаларга кечкенәдән үк "юл әлифбасын" өйрәтү, аларда юлда йөрү кагыйдәләрен формалаштыру - әти-әниләрнең, балалар бакчасы тәрбиячеләренең, барлык педагогларның изге бурычы. Шушы максаттан чыгып #Нашажизньвнашихруках проекты кысаларында укучыларга видеороликлар күрсәтелде. Кагыйдәләр белән таныштырылды. Төрле ситуацияләрдә үзеңне ничек тотарга кирәклеге аңлатылды