Кышкы салкыннардан соң барыбыз да язны сагынып көтеп алабыз. Яз − табигатьнең кышкы йокыдан уяну вакыты. Яз − матур, шатлыкларга бай, күңелле вакыт, ләкин балаларыбызны һәр ел фасылындагы шикелле, яз көне дә төрле хәвеф-хәтәрләр саклап тора. Шул уңайдан “Язгы чорда куркынычсызлык кагыйдәләре” дигән темага әңгәмә үткәрелде. Балаларга су буйларына төшмәскә, бозның бик калын булуына ышанып, боз өстенә кермәскә кирәклеге турында сөйләнелде. Яз көне бозның ныклыгы кими, ул кояш җылысында йомшара-шуңа күрә боз өстенә керү тыела. Язгы чорда елга буйларында үзләре генә йөрмәскә, әти-әниләренең рөхсәтеннән башка өйдән чыгып китмәскә кирәклеге аңлатылды.