Бүген укучыларыбыз белән дәрестән тыш эшчәнлек вакытында “Күңелле стартлар” уздырдык. “Батырлар” (малайлар) командасына каршы “Гүзәлләр” (кызлар) командасы көч сынашты. Ярышлар балаларның шат көлүләре белән үрелеп барды. Барлык балалар да актив һәм җитез булдылар. Сикерү, йөгерү, туплар белән көч сынаштылар. Спорт уеннары барысына да күңел күтәренкелеге бирде. Эстафета җиңүчесез булмый. ”Гүзәлләр” командасына тиңнәр булмады. Афәрин, кызлар!