Элек күз табибына баргач, бер күзеңне томалыйсың да, ерактан стенадагы хәрефләрне танып әйтергә кушалар иде. Өстә – зур шрифтлы хәрефләр, аста текст азагындагылары бик вак язылган була. Укый алган юл саннарыннан чыгып, күзеңнең ни дәрәҗәдә күрүен билгелиләр. Бүген бу ысулдан тыш, күз авыруларын вакытында ачыкларга заманча диагностика җайланмалары ярдәм итә.
    Бүген Күз күрү көне (World Sight Day) бөтен дөньяда билгеләп үтелә. Ул Бөтендөнья сәламәтлек саклау оешмасы тәкъдиме белән һәр елны октябрьнең икенче пәнҗешәмбесендә уза.
    Бүген без дә укучыларыбыз белән күзләребезне саклау, күз авыруларын кисәтүгә юнәлдерелгән агарту һәм профилактика чаралары оештырдык.