Бүген Кырлайдагы Тукай музее бинасында "ТатАрча кичләре" проекты кысаларында "Акыл-баттл" интеллектуаль уены булып узды (хәтерләсәгез әлеге уен зоналап бара, Кушлавычтагы бәйге турында язган идек) Бүгенге ярышта  Яңа Кырлай, Яңа Кишет, Ташкичү һәм Өчиле мәктәпләре укучылары үз белемнәрен сынадылар... Интеллектуаль уен берничә турда барды. “Тукай оныклары” (Яңа Кырлай), “Әдәбият сөючеләр” (Яңа Кишет), “Тукай якташлары” (Өчиле), “Мәрҗәни варислары” (Ташкичү) төркемнәре Габдулла Тукайның тормыш юлы, иҗаты, аның әсәрләре буенча язылган музыка, рәсем сәнгате үрнәкләре буенча бик кызыклы сорауларга җаваплар таптылар, үз өлгерлекләрен күрсәттеләр. Аларга, жирәбә буенча туры килгән, Тукайның бер шигырен сәхнәләштереп тә күрсәтергә туры килде. Бәйгенең барлык турлары да аһәңле җырлар, дәртле биюләр белән үрелеп барды.

    Тулырак һәм фотомизгелләр белән: qushlawich.ruда.