7 нче сыйныф укучылары Абдуллин И., Уваева Д. һәм 8 нче сыйныф укучысы Төхфатуллина Г. “Мы за чистый город” район конкурсында актив катнаштылар.  “Экологик плакат” номинациясендә I,III  урынга ия булдылар. Укучыларыбызны котлыйбыз, уңышлар телибез.

Сегодня на "Уроке цифры" по теме "Большие данные" узнали что такое большие данные и откуда они появляются, как их анализируют и для чего используют, а также познакомились с новыми профессиями в области большие данные.

Хәсәншәех мәктәбендә узган профсоюз ярышларында катнашып мәктәбебезнең физкультура укытучысы Миннибаев Р. өстәл теннисы буенча 2 урынны яулады. Аны бу уңышы белән котлыйбыз һәм киләчәктә уңышлар телибез.

Бүген 14 нче  ноябрь көнне мәктәбебезнең  2 класс укучыларын  “Карлыгач”  сафына алдык. Бу тантана җыр, бию белән  үрелеп барды. 2 класс укучылары алда торган биремнәрне үтәп, антны кабул итеп бер баскыч югарыга күтәрелделәр. Аларны чын күңелдән Карлыгач булулары  белән котлыйбыз.

6 класста "Сәламәтлек - зур байлык" темасына тәрбия сәгате үтте. Укучылар сәламәт булу өчен үтәлергә тиеш кагыйдәләрне санадылар, көзге һәм кышкы вакытларда була торган витаминлы азыкларны барладылар, спортның көндәлек тормышта зур әһәмият уйнавына тагын бер кат төшенделәр.

Бүген 8 класс укучылары инглиз теленнән тест эшләделәр.

Инглиз теле дөньяда иң танылган телләрнең берсе булып санала. Шул сәбәптән,бигрәктә, башлангыч класс укучылары бик зур теләк һәм кызыксыну белән элеге телне өйрәнә. 

Бүген классларда “Сак булыгыз: грипп!” дип исемләнгән класс сәгатьләре узды. Укучыларга гриппның иң куркыныч вируслы авыру булуы, йогышлы, тиз тарала, берьюлы зур халык катламнарына зыян китерергә мөмкин икәнлеге аңлатылды. Гриппны аяк өстендә үткәрергә ярамаганлыгы, вакытында табибка күренергә кирәклеге һәм авыруны мөмкин кадәр иртәрәк дәвалый башлау мөһим икәнлеге искәртелде.Күбрәк саф һавада йөрергә, бүлмәне ешрак җилләтергә, көндәлек режимны үтәргә, дөрес тукланырга һәм температурага туры килерлек кием кияргә кирәклеге әйтелде.

Нәрсә соң ул китап? «Китап …Ике катыргы арасына тыгызлап тутырылган чуар кәгазь. Бары шул гына, ә яхшылап уйлап карасаң ,ул – кешеләр уйлап чыгара алган сирәк могҗизаларның берсе. Могҗизаларның могҗизасы»,- дип язган татар язучысы Ибраһим Гази. Укучыларның сөйләм телләрен, фикерләү сәләтләрен үстерү, таушалган китапларны яңартырга өйрәтү, китап укуга кызыксыну тәрбияләү максатыннан, 7 нче ноябрь көнне,   1-3 класс укучылары белән “Китаплар иленә сәяхәт” дип исемләнгән кичә уздырылды.

29 нчы октябрь көнне Сәрдәбаш башлангыч мәктәбендә ата – аналар җыелышы булды. Җыелышта 1 нче чирек нәтиҗәләре, мәктәпнең эшчәнлеге темаларына чыгышлар тыңланды. Фикер алышуда  әти –әниләр  актив катнаштылар.