Муниципальное бюджетное общеобразовательное учреждение "Нусинская основная общеобразовательная школа" Арского муниципального района Республики Татарстан
Визитная карточка
Адрес: | Российская Федерация, Республика Татарстан, Арский район, село Нуса, улица Татарстан, дом 31/ Татарстан Республикасы, Арча районы, Носы авылы, Татарстан урамы, 31 нче йорт |
Телефон: | +7(843)-669-35-27 |
E-Mail: | Snus.Atn@tatar.ru |
Министерство: | Министерство образования и науки Республики Татарстан |
Короткое название: | МБОУ "Нусинская ООШ" |
Руководитель: | Бадертдинов Васим Хамитович |
Год основания учреждения: | 1934 |
У нас учатся: | 42 ученика/ Бездә укыйлар: 42 укучы |
У нас учат: | 14 учителя/ Бездә укыталар: 14 укытучы |
Муниципальное бюджетное общеобразовательное учреждение "Нусинская основная общеобразовательная школа" Арского муниципального района Республики Татарстан - новости
Страницы: << 151 152 ( 153 ) 154 155 156 157 158 159 160 >>
-
Китап уку – иң яхшы белем алу.
24.01.2018
Мәктәп укучыларының китапханәгә йөрүләре елдан – ел кими бара. Укучыларны ничек тә китап укуга тарту максатыннан, бүгенге класс сәгатендә Сәрдәбаш башлангыч мәктәбенең 3, 4 нче класс укучылары китап тарихы, китаплар нинди булган, китап турында язучылар, шагыйрьләр нинди сүзләр әйткәннәр, халык нинди мәкальләр, әйтемнәр иҗат иткәннәр, шулар турыда сөйләштеләр, презентация карадылар. Класста иң күп китап укыган укучыны билгеләделәр. Бу исемгә Петров К. лаек булды.
-
Уен - ул бала эшчәнлегенең, тормышының аерылгысыз өлеше.
23.01.2018
Балалар арасында иң яратып уйнала торган уеннар – халык уеннары. Халкыбызның гореф-гадәтләре, йолалары, торак көнкүреше чагылыш тапкан бу уеннар балаларда өлгерлек, тапкырлык, ярдәмләшү, шулай ук кешелеклелек, шәфкатьлелек, сабырлык кебек күркәм сыйфатлар тәрбияли. Уеннар ярдәмендә бала тырыш, көчле, сәләтле, нык ихтыярлы булып үсә. Уен вакытында балаларның иҗат мөмкинлекләре ачыла, мөстәкыйльлекләре арта, оештыру сәләтләре үсә. Кечкенә вакытта алынган хәрәкәт әйләнә-тирә мохит белән тирәнрәк танышырга ярдәм итә. Халык уеннары – җитезлеккә, көчкә, зирәклеккә сынау ул. Бүген мәктәптә башлангыч класс укучылары “Зәлидә” уены уйнадылар.
-
Башлангыч сыйныфлар атналыгының беренче көне – әкиятләр көне.
22.01.2018
Татар халык авыз иҗаты күп гасырлар буе буыннан – буынга күчеп килгән. Нәрсә соң ул татар халык авыз иҗаты? Кемдер тарафыннан иҗат ителеп, башкалар шомарткан һәм инде иҗат итүчеләр онытылган мондый әсәрне татар халык авыз иҗаты фольклор дип атыйлар, яки күп кешенең уртак җимеше. Халык авыз иҗаты әсәрләренең тәрбияви әһәмияте аеруча зур. Кече яшьтәге балаларны халык авыз иҗаты әсәрләре белән тел үстерү чаралары вакытында да, уйнаганда да, теләсә нинди буш вакытта да таныштырырга була. Җанлы һәм тапкыр сүзле мәкаль-әйтемнәр, санамыш, такмак, табышмак, әкиятләр балаларда тел матурлыгын тоемлау тәрбиялиләр, танып белү эшчәнлеген, сөйләм телен үстерәләр. Без быел башлангыч сыйныфлар атналыгын “Татар халык авыз иҗаты”н өйрәнүгә багышладык. Бүген - “Әкиятләр көне”. Халык авыз иҗаты әсәрләреннән балаларга иң якын һәм алар ярата торганы – әкиятләр. Халык әкиятләре – сөйләм телен үстерүдә бай материал булып исәпләнә. Укучылар белән татар халык әкиятләре укыдык, аудиоязмалардан әкиятләр тыңладык. Татар халык әкиятләре китапларыннан күргәзмә оештырдык.
-
Җимлекләр куйдык.
20.01.2018
Кышкы чор - кошлр өчен бик авыр вакытлар. Үсемлек орлыклары калын кар астында калды, кошлар азык таба алмыйлар. Без мәктәп янына җимлекләр куйдык. Көн саен кошларга җим салабыз.
-
Шорт-трек.
19.01.2018
18 январьда Шушмабаш урта мәктәбендә шорт-трекның зона ярышлары булды. Ярышларда безнең мәктәп укучылары да актив катнашты.
-
Туган тел – рухи байлыгыбыз.
18.01.2018
Туган тел – рухи байлыгыбыз сандыгына ачкыч ул. Халкыбызның гасырлар буе яшәп килгән, буыннан-буынга тапшырылган тормыш тәҗрибәсе, гореф-гадәтләрен әхлак кануннарын, йола-бәйрәмнәрен, әдәбият һәм сәнгать әсәрләрен-кыскасы, рухи байлыгыбызны тирәнтен аңлау һәм үзләштерү туган телдән башка мөмкин түгел. Ана телендә тәрбияләнгән бала гына, үз халкының әхлак кануннарын кабул итеп, милләтенә, аның теленә һәм гореф-гадәтләренә чын мәгънәсендә ихтирамлы була ала.Халык авыз иҗаты әсәрләренең тәрбияви әһәмияте аеруча зур. Җанлы һәм тапкыр сүзле мәкаль-әйтемнәр, санамыш, такмак, табышмак, әкиятләр һ.б.ш. балаларда тел матурлыгын тоемлау тәрбиялиләр, танып белү эшчәнлеген, сөйләм телен үстерәләр.Быел укытучыларыбыз башлангыч класслар атналыгының темасын халык авыз иҗатына багышларга уйладылар. Укучыларыбыз авыл һәм мәктәп китапханәләренә экскурсиягә бардылар. Аларны китапханәчеләр татар халык авыз иҗатына багышланган әдәбият белән таныштырдылыр. Укучылар укыр өчен әкиятләр, табышмаклар, мәкальләр, җырлар, әйтемнәр, санамышлар, тизәйткечләр алдылар.
-
Шахмат ярышында.
18.01.2018
17 гыйнварда Шушмабаш урта мәктәбе базасында “Арча хәбәрләре” газетасы призына район мәктәпләре укучылары арасында шахмат турниры булды. Бу турнирда безнең мәктәптән Абдуллин И, Сафиуллин И, абыйлы-энеле Хайруллиннар да катнашты.
-
“Тылсымлы патшалык”ка сәяхәт.
17.01.2018
Сәрдәбаш башлангыч мәктәбе укучылары “Светофор патшалыгы”нда кунакта булдылар.Поездда сәяхәт итеп, транспорт төрләре, юл билгеләре, урамда йөрү кагыйдәләре, транспортта әдәплелек кагыйдәләре турында белем һәм күнекмәләрне ныгыттылар.”Кем җитез?” тукталышында юл хәрәкәте иминлегенә карата тест эшләделәр. Балаларыбыз исән-имин булсыннар!
-
Республиканское родительское интернет-собрание.
16.01.2018
19 января 2018 года 12:00-13:30 проводится республиканское родительское интернет-собрание по теме: "Виртуальная жизнь ребенка: интернет - друг или враг?"
-
Ш.Мәрҗанинең тууына 200 ел.
16.01.2018
МБГБУ “Носы төп мәктәбе”ндә 16 нчы гыйнвар көнне Ш.Мәрҗанинең 200 еллыгына багышланган чаралар үтте. Мәктәп фойесында Ш.Мәрҗанигә багышланган күргәзмә эшләде. Ш.Мәрҗанинең тормыш юлы һәм эшчәнлеге буенча телдән журнал үткәрелде һәм презентация күрсәтелде. Шулай ук викторина оештырылды. 8-9 нчы класс укучылары “Россия тарихында Шиһабетдин Мәрҗани эшчәнлеге” дигән темага чыгышлар ясадылар, түгәрәк өстәл артында фикер алышу үткәрелде.