Бүген   Кушлавыч, Утар  Аты, Түбән  Аты, Наласа  мәктәпләренең  өлкән  класс  укучылары  өчен  очрашу  узды.Чарада  Үрнәк  аграр-сәнәгать  һөнәр  көллияте  директоры  Дәүләтбаев  Зөлфәт  Миннефәр  улы, "Игенче" агрофирмасы  директоры  Хабибуллин  Рөстәм  Җәүдәт  улы  һәм  Арча  районы  авыл  хуҗалыгы  идарәсе  белгече  Абдуллин  Марат  Рәүф  улы катнашты.

"Разговор о важном" әңгәмәләр  циклының  чираттагысы  Н.В. Гогольның  тууына 215  ел  тулуга  багышланды.  

13 нче апрель көнне "Арча" спорткомплексында  Арчаның күренекле улы, Арча районының Шәрәфле гражданины, Россиянең атказанган авыл хуҗалыгы хезмәткәре, ветеринария фәннәре докторы, җәмәгать эшлеклесе, сәясәтче, күп еллар Норлат районы башлыгы булып хезмәт куйган, ТР Авыл хуҗалыгы һәм азык-төлек экс-министры, Россия Дәүләт Думасы экс-депутаты, күп санлы фәнни хезмәтләр һәм китаплар авторы, легендар шәхес –
Фатих Сәүбән улы Сибагатуллин истәлегенә 2009 нчы елгы һәм аннан яшьрәк егетләр арасында көрәш буенча республика турниры үткәрелде.
Ярышның ачылу тантанасында Фатих Сибагатуллинның гаиләсе белән беррәттән,  бик күп мәртәбәле кунаклар да катнашты.
Ярышта Арча, Кукмара, Балтач, Саба, Теләче, Биектау, Яшел Үзән, Лаеш районнарыннан һәм Казан шәһәреннән  яшь кәрәшчеләр бил алышты. Көрәш 12 үлчәү категориясендә узды.
Командалар арасында 1 нче урынга Арча командасы чыкты. 2-3 урыннарны Кукмара һәм Балтач районнары бүлеште. Командалар диплом һәм Кубок белән бүләкләнде.Мәктәбебез  укучыларын  җиңүләре  белән  котлыйбыз.

Мөхетдинов Фәнзил 3 урын
Аглиуллин Әмир 3 урын
Мухутдинов Әнгам 2 урын
Шакиров Раяз 1 урын

Мәктәбебезнең  ,, Наз" театр коллективы наркотикларга каршы көрәш көне уңаеннан уздырылган  ,, Мин тормышны сайлыйм' дип исемләнгән район бәйгесендә Гран-при  яулады. Котлыйбыз!

6 нчы  класс   укучысы  Абдуллина  Азалия  "Без  бергә" конкурсының   район  этабында  II дәрәҗә  лауреат  булды.Афәрин!

Язның  яме -  җылы  яктан  кайткан  канатлы  дусларыбызның  моңлы  сайрауларында. Бүген  мәктәбебездә  "Кошлар  көне" нә  багышланган  бик  күңелле  кичә  узды. Чарада  балалар  бакчасына  йөрүче  нәниләр  дә  катнашты.

Яңа  атна  линейкадан  һәм  "Разговоры  о  важном" әңгәмәләр  циклының  чираттагысы  белән  башланып  китте. Бүгенге  тема - "Мин  Җирне  күрәм! Бу  бик  матур!"

Узган  җомгада  "Без  бергә" конкурсының  район  этабы  узды. Шагиевлар  гаиләсе  "Иҗади  гаилә" номинациясендә  җиңү  яулады. Котлыйбыз!

Укучыларыбыз  Рәдиф  Сәфәров  истәлегенә  оештырылган  милли  көрәш  бәйгесендә  уңышлы  чыгыш  ясап  кайттылар.

6 нчы класс укучысы  Абдуллина  Азалияне   "Родники народов Поволжья" республика конкурсында 1 дэрэҗэ диплом, ХI Межрегиональный конкур чтецов "Туган телем-серле тел " Конкурсында 1 дэрэҗэ дипломга  лаек  булуы  белән  котлыйбыз.