Бүген икенче сыйныф укучылары тантаналы рәвештә,  районыбыздагы “Карлыгач” оешмасына кабул ителделәр.   Чарада укучылар «Балачак» иленә сәяхәт кылып,  төрле сынаулар аша үттеләр, үзләренең һөнәрләрен күрсәттеләр, карлыгачлар булырга әзер икәнлекләрен  раслый алдылар. Бәйрәм һәркемгә ошады.

Бүген мәктәбебездә  өлкән сөйныф укучылары  катнашында  "Көзге бал" үткәрелде. 8-11 класслардан "Көз  короле" һәм   "Кыз королевасы" бәйгесендә  үзара  көч  сынаштылар. Барлык  класслар  бик  зур тырышлык  белән әзерләнгәннәр. "Көз  короле"  исеменә 11 класс укучысы Шаһисламов  Әлфис, "Көз  королевасы" исеменә  11  класс укучысы Шамсетдинова  Илүзә  лаек булдылар. Котлыйбыз!!!

   Һәр атнаны мәктәбебез варислары  башлангыч сыйныф укучылары белән төрле кызыклы уеннар, бәйгеләр үткәрәләр.

10-11 нче  сыйныф  укучылары  белән  тарих  укытучысы  Хәсәнова А.М. ачык парламент дәресе  үткәрде. Быел  дәреснең  темасы "Парламент, җәмгыять һәм мин" . Дәрескә  Дәүләт депутаты, Бөтендөнья  татар  конгрессы җитәкчесе Закиров Ринат  Зиннур улы  да кайтты.  Укучыларга  үзенең теләкләрен, киңәшләрен  җиткерде.

“Сөмбелә” – уңыш, муллык-туклык бәйрәме. Мәктәбебездә дә әлеге бәйрәм зур әзерлек белән үткәрелде. Чара көз темасына шигырьләр, әкиятләрне сәхнәләштерүләр, төрле җыр- биюләр, уен-бәйгеләр белән үрелеп барды.  Әлеге бәйрәмне оештырган 5 нче сыйныф укучыларына, сыйныф җитәкчеләре  Г.Т.Лотфуллинга зур рәхмәт .

      Өлкән кешеләр - хезмәт юлын лаеклы  узган ветераннарыбыз. Алар бик күп авырлыклар күргән, дөньяның ачысын-төчесен  татыган кешеләр. Без – яшь буын һәрберсен хөрмәт итәргә тиешбез. 

Укытучы!

Синдәдер ул йөрәкләрнең иң олысы,

Синдәдер ул йөрәкләрнең иң җылысы,

Һәркөн сиңа ничә сабый карап тора,

Алар сине әниседәй якын күрә.

Еласалар, син аларны юатасың,

Боексалар, син аларны уйнатасың,

Сөйләшәсең күңелләрен аңлап кына,

Орышасың кайчагында җайлап кына.